هدفي التوعية.. أول تعليق من البلوجر روان عصام بعد تحذيرها من جروب للممارسات غير الأخلاقية | خاص
خالوا بالكم دي بتحرض البنات على الحرام.. بتلك الكلمات حذرت البلوجر روان عصام الفتيات والنساء بعد أن رفعت الستار عن جروب نسائي يروّج لسلوكيات غير أخلاقية ومُحرضة على الشذوذ، ويدّعي أن ما يروَّج له لا يخالف الأسس الدينية.
أول تعليق من البلوجر روان عصام بعد التحذير من جروب للممارسات غير الأخلاقية
ومن جانبه، جاء أول تعليق للبلوجر روان عصام خلال حديثها مع القاهرة 24، بأنها حاولت اتخاذ هذه الخطوات عبر حسابها الشخصي من أجل توعية الفتيات، مؤكدة: البنات والستات لقوا نفسهم في الجروب بالصدفة، وأنا كنت واحدة منهم.
كما أن تواصل معها سيدات وفتيات في سن المراهقة كنّ ضمن هذا الجروب ثم غادرنه، موضحين لها أنهن وجدن أنفسهن فيه بالصدفة ولم يكنّ على علم بأنهن منضمات إلى مجموعة من هذا النوع، فبدأن بالخروج منها تدريجيًا.
وقالت روان: صاحبة الجروب بتخلي ناس من عندها يدخلوا يكلموني بطريقة غير مباشرة ويقولولي خالي بالك على نفسك دي أكيد وراها شبكة كبيرة وممكن تأذيكي، واحدة وجوزها هو اللي بيستورد لها المنتجات المُخلة دي من برا بـ كميات كبيرة.
وأوضحت أن المنتجات التي تروج لها تتراوح أسعارها بين 500 جنيه و4 آلاف جنيه، ما يعني أنها تستهدف مختلف الفئات من الفقراء إلى الأغنياء، ومن خلال ردودها على التعليقات، بدا واضحًا أن هدفها لم يكن مجرد بيع المنتج، بل الترويج لأفكار غير أخلاقية أيضًا.
البلوجر روان عصام: البنات بتشكرني إني نشرت التوعية
وأضافت: أول ما اكتشفنا الجروب صاحبته مسحت كل المنشورات المُسيئة، بعد ما كانت بتروج لمنتجات غير أخلاقية بكميات كبيرة وأشكال متنوعة وعروض وخصومات مالية لتحقيق أكبر عائد من الربح.
وأردفت روان: الجروب بتاعها عليه 100 ألف مُتابعة وعاملة جروب تاني عليه 18 ألف مُتابعة ده غير قنوات الواتس اب وإنستجرام، الأعداد كبيرة وضخمة ولازم يكون في توعية لأجيال البنات، حتى لما في ستات بتدخل تكتب لها تعليق بـ إن ده حرام، بتتعرض للهجوم من صاحبة الجروب والمشتركين معاها في الترويج.
واختتمت البلوجر روان عصام: في بنات كتير دخلوا يسألوني ويشكروني إني نشرت التوعية وستات شاركوا فيديوهاتي مع أحفادهم وبناتهم وده واجبي كمؤثرة في مواقع التواصل الاجتماعي، وهدفي الأول والأخير مش التريند لكن توعية البنات والأهالي بأنهم يحافظوا على بناتهم، ولو في أي واحدة بتروج لنفس النشاط ده توقف ده وتخاف من ربنا.
