زوجة تطلب الطلاق بسبب الهوس بالنظافة: جوزي بيعقم المعلقة قبل ما آكل بيها
في واحدة من القضايا التي شهدتها محكمة الأسرة مؤخرًا، رفعت زوجة دعوى طلاق ضد زوجها، متهمةً إياه بأنه يعاني من "هوس مرضي بالنظافة"، لدرجة جعلت حياتها تتحول إلى سلسلة من التعقيمات والتطهير المستمر، وكأنها تعيش في معمل تحاليل، وليس في بيت زوجية.
قضايا الأسرة
وقالت الزوجة في دعواها: "من أول يوم جواز وهو بيعقم كل حاجة قبل ما ألمسها، حتى المعلقة اللي باكل بيها لازم تتغسل في كحول، والكنبة في الصالون مغطية بالبلاستيك، وممنوع أقعد عليها من غير فوطة".
وأضافت: "لو حد زارنا، لازم يخش البيت بكيس في رجله، ولو نسيت ألبس الجوانتي وأنا بطبخ، يرمي الأكل كله ويقولي: الأكل ده ملوث، مش هدخله جسمي".
وتابعت الزوجة باكية: بقيت عايشة في رعب، لو عطست فجأة، يبصلي بخوف ويجري يرش البيت، حياتي بقت فيلم رعب نظيف أوي.
أما الزوج، فقد دافع عن نفسه قائلًا: أنا مش مريض، أنا نظيف وبحب أعيش في بيئة صحية، واللي عايز يعيش معايا لازم يحترم أسلوبي في الحياة، مش كل الناس بتحب التراب والهمجية.
قررت المحكمة تأجيل الحكم لحين عرض الطرفين على لجنة مختصة لفحص الحالة النفسية.
