شقيق طبيب أسيوط المتوفى: أخويا ما انتحرش.. وكان صائم وبيصلي

قال أحمد سيد، شقيق الدكتور علي سيد، طبيب مقيم بقسم العظام في مستشفى جامعة أسيوط، إن ما تم تداوله خلال الساعات الماضية حول انتحار شقيقه لا يستند إلى أي دليل مؤكد حتى الآن، مشيرًا إلى أن الأسرة لا تزال بانتظار نتائج التحقيقات الرسمية لمعرفة سبب الوفاة الحقيقي.

وأكد أحمد سيد، في تصريحات خاصة لـ"القاهرة 24"، أن الحديث عن انتحار شقيقه غير دقيق، قائلًا: "أخويا ما انتحرش، ومفيش أي إثبات إنه انتحر، وكل اللي اتقال مجرد ترجيحات.. إحنا نفسنا مش عارفين لحد دلوقتي هو مات إزاي".

وأضاف: "شقيقي كان صائم، وملتزم بالصلاة في أوقاتها ودايمًا بيصلي في المسجد، وكان بيؤدي عمله بكل إخلاص رغم ضغط الشغل والتعب الكبير اللي كان بيعاني منه".

واختتم شقيق الطبيب المتوفى تصريحاته قائلًا: "احنا مش بننفي ولا بنأكد، لكن بنقول الحقيقة إن لحد دلوقتي مفيش سبب مؤكد لوفاته.. وكل اللي اتنشر مجرد اجتهادات مش مبنية على أدلة".

وكانت حالة من الحزن قد سادت بين زملاء وأصدقاء الطبيب الشاب بعد العثور عليه متوفيًا في إحدى الترع، وسط مطالبات بفتح تحقيق موسع حول ظروف وفاته، خاصة في ظل معاناته من ضغط العمل الشديد داخل مستشفى الجامعة.