أسما شريف منير توجه رسالة لـ الفتيات من حفل زفافها: متفكروش في الماديات
وجهت أسما شريف منير رسالة لـ الفتيات من حفل زفافها، قائلة: متفكروش في الماديات، أنا مفكرتش أعمل فرح كبير، وكنت عاوزة أعمل حاجة أقدر عليها وتكون في استطاعتي.
وأضافت أسما شريف منير عبر حسابها على إنستجرام: اختارت أن الديكور يكون بسيط وألبس حاجة بسيطة وده بقوله عشان أقول للبنات متفكرش في الماديات والفستان يبقى منين على قد ما تفكر هي بتختار مين، والاختبار ده جالي بعد تجارب صعبة عديت بيها.
فيما وجه الفنان شريف منير، كلمات مؤثرة لزوج ابنته أسما خلال عقد قرانهما، قائلًا: أهم حاجة أنك تحتويها لأن أسما تعبت وكافحت في حياتها ووقفت جانبي كتير.
وأضاف: هي تعتبر أم ليا لأن هي اللي بتوجهني ومش طالب منك أي حاجة غير أنك تحتويها لأني في يوم من الأيام همشي وعاوز أبقى مطمئن عليها.
زواج أسما شريف منير
وأعلنت الإعلامية أسما شريف منير، عبر حسابها الرسمي على إنستجرام زواجها، قائلة: أنا الحمد لله اتجوزت، وده قرار جه بعد فترة طويلة من رحلة عشتها مع نفسي.
