أول رد من إسماعيل الليثي على اتهامات زوجته بالتعدي عليها: شيماء سعيد لسه على ذمتي مش طليقتي

علق المطرب الشعبي إسماعيل الليثي، على ما تم تداوله مؤخرًا بشأن انفصاله عن زوجته شيماء سعيد، قائلًا: لسه على ذمتي، ومش طليقتي.. اللي حصل بينا خناقة عادية بتحصل بين أي اتنين متجوزين.

حقيقة انفصال الفنان إسماعيل الليثي عن زوجته
 

ونفى إسماعيل الليثي في تصريحات لـ القاهرة 24 ما تردد عن وجود اعتداء أو سرقته لها، قائلًا: سبتها ونزلت، مفيش ضرب ولا تعوير، ومفيش سرقة ولا خد دهبي زي ما اتقال، أنا معروف ومين أبو رضا معروف، ومصر كلها عارفة إني شبعان الحمد لله.

وأضاف: مش هقدر أعيب فيها، دي أم ابني رضا، وكل حاجتها معاها، ولو كنت خدت منها حاجة أتحاسب، بس الحقيقة إنها اتكلمت وهي منفعلة، وزي أي ست بتتخانق، مردفًا: يا ريت كل واحد يكون في نفسه، ومحدش يدخل بينا.. وربنا يديها الخير كله.

وفي وقت سابق، استغاثت البلوجر شيماء سعيد من زوجها الفنان إسماعيل الليثي، حيث أشارت إلى أن الأخير اعتدى عليها وخطف بناتهما، كما اتهمته بسرقة مصوغاتها الذهبية.

وقالت شيماء سعيد في فيديو لها، عبر تيك توك: إسماعيل الليثي ضربني وخد فلوسي وبناتي، صحيت وملقتش بناتي، وخد دهبي كله ومفتاح عربيتي والفلوس، أنا عايزة حقي وحد يلحقني.