بعد قرار عودته للفن.. هيثم سعيد يكشف تفاصيل أعماله الجديدة ويؤكد استمرار إقامته في أستراليا
أكد الفنان هيثم سعيد، أنه سيعود إلى الساحة الفنية بشكل تدريجي، بعد فترة من التوقف، موضحًا أنه سيكتفي هذا العام بإحياء الحفلات الغنائية دون طرح أعمال جديدة.
وقال هيثم سعيد في تصريحات لـ القاهرة 24: ما زلت مقيمًا في أستراليا، وهرجع مصر في زيارات فقط علشان مستقبل أولادي، هتحرك من أستراليا علشان أعمل الحفلة في السعودية، وبعدها هرجع تاني.
وأضاف: مبدئيًا، رجعت أعمل حفلات، لكن مش هقدّم أعمال جديدة السنة دي خالص، ومن السنة الجاية إن شاء الله هبدأ أنزل أغاني جديدة ليّا".
ويأتي هذا التصريح بعد إعلان هيثم تراجعه عن قرار الابتعاد عن الفن، واستعداده للمشاركة في عدد من الحفلات المهمة خلال الفترة المقبلة، أبرزها حفله المرتقب في جدة دوم، بمشاركة نجوم عالميين من بينهم فريق بلو، والنجم مساري، والفنانة جنات.
اعتزال هيثم سعيد مجال الفن
وكان هيثم قد أعلن في وقت سابق عن اعتزاله الفن وهجرته، معلنًا أنه لم يعد قادرًا على الاستمرار وسط غياب التقدير وندرة الأعمال، وهو ما أثار تعاطف ودعم عدد من الفنانين، في مقدمتهم النجم تامر حسني، الذي وجّه له رسالة مؤثرة عبر حسابه على موقع إنستجرام.
وكتب تامر حسني:حبيبي هيثم، أنا أكيد أزعل لما أشوف فنان جميل زيك يصيبه اليأس بالشكل ده. أنا فاهمك وحاسس بيك كويس، طبعًا محدش عارف داخليات الناس، وأنا ممكن أبقى مش عارف إيه اللي خلاك توصل لكده، رغم إن في ناس من جيلنا كملوا وصبروا وكان عندهم شغف وإصرار على النجاح كبير.
وأضاف: أنت عارف أنا شوفت إيه من حروب، بس كملت واتحديت الظروف، مش عارف أقولك ليه مصممتش، ولا أقولك متزعلش على اللي أنا معرفش عنه حاجة؟ ربنا بس العالم بيك، وعالم أنت شوفت إيه وحسيت بإيه
