المطربة صابرين النجيلي تستقيل من دار الأوبرا: متعودتش أبقى في حال مش مريحني
أعلنت المطربة صابرين النجيلي، التي اشتهرت بأغنيتها قلبي دق دقة، استقالتها من دار الأوبرا المصرية، معربة عن انزعاجها من الوضع الحالي.
المطربة صابرين النجيلي تستقيل من دار الأوبرا: متعودتش أبقى في حال مش مريحني
وكتبت صابرين النجيلي عبر حسابها الشخصي بفيسبوك: أنا قدمت استقالتي من دار الأوبرا، تقريبا بقالي سنتين عايزة أعمل كدة وبيتقال استنى الدنيا هتتعدل، بس ده محصلش للأسف، مسرح دار الأوبرا وجمهوره عزيز عليا جدا لكن لم أتعود على بقائي والرضا بحال مش مريحني، وأكيد هعمل حفلات طبعا لكن كفنانة خارج الأوبرا كباقي الفنانين.
أعمال صابرين النجيلي
وعلى جانب أغاني صابرين النجيلي، يذكر إنها اشتهرت بأغنية قلبي دق دقة، التي تداولت بشكل واسع على مواقع التواصل الاجتماعي خلال الفترة الماضية، وسبق وتحدثت عنها خلال لقاءها مع القاهرة 24: توقعت نجاح الأغنية بسبب جرأتها، لأنها متعملتش قبل كده، والناس حبتها بسبب اختلافها، وبحب أعمال الزمن الجميل، وكنت حريصة إني أدخل في اللبس حاجة مختلفة زي فنانات الزمن الجميل، وأنا بحب البنت تلبس فستان واخترت الوردة تبقى مع الدريس.
وتداولت كلمات أغنية قلبي دق دقة بشكل واسع، حيث جاءت على النحو التالي: لما شفته وقعت فيه قلت لقلبي حبه حبه قالي مش خسارة فيه، قمت دايسة بقلب جامد أصل أنا هموت عليه كل الناس عندي في كفة وهو الكوكب باللي فيه.. يا أبو قلب بندقية أنا قلبي فيك قتيل مشيها سمسية ده اللي بنا مش قليل، ده أنت الحته الطرية عندي مفيش زيك مثيل، يا عسل يا حرف الصينية أنا قلبي عليل وأنت الطبيب كولكشن من الشقاوة والرجولة والعسل.
