ريهام حجاج تؤدي مناسك الحج رفقة زوجها رجل الأعمال محمد حلاوة: مفيش أعظم من رحلة الحج
نشرت الفنانة ريهام حجاج مجموعة صور عبر حسابها الرسمي على إنستجرام، توثق فيها لحظات من أدائها مناسك الحج رفقة زوجها رجل الأعمال محمد حلاوة، رئيس لجنة الصناعة بمجلس الشيوخ المصري.
وظهرت ريهام في الصور مرتدية ملابس الإحرام، في أجواء مفعمة بالسكينة والروحانية، وعلقت بكلمات مؤثرة عن تجربتها قائلة: سافرت بلاد مختلفة ورحت وجيت، وعملت عمرات كتير الحمد لله… بس أحلى وأنقى وأجمل وأعظم من الحج مفيش، رحلة بتغذي الروح، وتغسل القلب، وتهذب النفس… ربنا يكتبها لكل حد نفسه يروح، ويكتبهالي تاني وتالت وعاشر يا رب
ريهام حجاج: الأمومة مسؤولية كبيرة.. والتيك توك خطر على أولادنا
وفي سياق آخر، سبق وحذرت الفنانة ريهام حجاج من التأثيرات السلبية المتزايدة لمواقع التواصل الاجتماعي على الأجيال الجديدة، معتبرة أن تطبيق تيك توك تحديدا بات يشكل خطرا حقيقيا داخل البيوت، خاصة على الأطفال والمراهقين.
جاء ذلك خلال ندوة عقدتها القاهرة 24، حيث تحدثت ريهام عن تجربتها مع الأمومة، مؤكدة أن العائلة تحتل المرتبة الأولى في حياتها، وقالت: الأمومة نعمة كبيرة من ربنا، وأنا مهتمة جدا بأهلي وأصحابي، دول ليهم أولوية كبيرة في حياتي. الأمومة مسؤولية كبيرة، لكنها ممتعة في نفس الوقت.
وتابعت: المسؤولية دلوقتي بقت أصعب، لأننا بنربي أولادنا في عالم مليان فوضى، والدربكة دي وصلت لبيوتنا، خصوصا بسبب السوشيال ميديا. إحنا دايما قلقانين من اللي جاي، والعالم اتغير بشكل مكانش حد يتخيله وإحنا صغيرين.
وفي سياق حديثها عن خطورة تيك توك، قالت ريهام: الجيل الجديد رهيب في التكنولوجيا، وإنك تسيبي الموبايل في إيد ابنك ده معناه إنك سايباه وسط عالم كامل. زمان كان في حاجات مينفعش نتكلم فيها أو نفهمها وإحنا صغيرين، لكن دلوقتي الولاد بيشوفوا حاجات غلط جدا في سن صغير، وده خطر كبير على وعيهم وتربيتهم.
