إيدي جات بالغلط عليها.. ننشر التحقيقات في قضية التحرش بفتاة المطرية | خاص
حصل القاهرة 24 على التحقيقات في قضية فتاة المطرية، والتي تعرضت لها إحدى الفتيات تبلغ من العمر 23 عاما، مقيمة بمنطقة عين شمس بالقاهرة، للتحرش من قبل أحد الأشخاص، في شارع عمومي بالمطرية، ما دعاها إلى التوجه إلى قسم الشرطة وتحرير محضر ضده.
وجاءت أقوال المتهم أمام جهات التحقيق، بسؤاله ما قولك فيما هو منسوب إليك من أنك متهم بهتك عرض المجني عليها أروي.ع.ا، بالقوة بأن قمت بملامسه موطن من مواطن عفتها كرها عنها وذلك على النحو المبين بالتحقيقات؟
ج: أقر بأنه لمس موطن من مواطن عفة المجني عليها خطأ.
س ما الذي حدث إذا وما هي ظروف ضبطك وعرضك علينا؟
ج: اللي حصل إن أنا كنت رايح لواحد صاحبي ساكن في شارع حسن صبرى بالمطرية وأنا لما أنا وصلت تحت بيته وقفت أكلمه في التلفون عشان ينزل يقابلنى فأنا كنت واقف جنب محل ملابس في الشارع ودا محل فارش استندات ومانيكانات قدام المحل فـ وأنا واقف كنت عايز أسند على مانيكان من المانيكانات فإيدى اليمين جات على مواطن عفته أروي.ع.ا، وأنا أول لما إيدي جات عليها لقيتها صوتت فأنا قولتلها أنا آسف أنا مقصدتش أجى جمبك لقيتها اتعصبت وراحت رامية المانيكان على الأرض والراجل صاحب المحل اللي جوه لقيته مسك فيا والناس اللى في الشارع اتلمت وبعدها الشرطة جات خدتني وروحت القسم وبعدها جيت على النيابة واخدت إخلاء سبيل وامبارح بعدين اتطلبت وبعد كدة لقيتهم جايبنى على هنا النهاردة وده كل اللي حصل.
س: متي واين حدث ذلك؟
ج: أنا أيدى خبطط الست بالغلط يوم الثلاثاء بليل اللى هو يوم 2025/05/20 الساعة 11:30 مساءا عند محل الملابس وروحت القسم أول يوم الأربعاء 2025/05 الساعة 1:00 صباحا وروحت بعدها النيابة واخدت اخلاء سبيل في نفس اليوم الساعة 4:00 مساء.
س: ما سبب تواجدك بالمكان والزمان أنفي البيان؟
ج: أنا كنت رايح لواحد صاحبي ساكن في شارع حسن صبري اللي متفرع من شارع يوسف الدجوى – المطرية – القاهرة.
س: ما هي بادرة لقائك والمجني عليها أروي.ع.ا؟
ج: اللى حصل إن أنا لما وصلت تحت بيته اللى في شارع حسن صبرى اللى متفرع من شارع يوسف الدجوى – المطرية – القاهرة قلت أكلمه في التلفون عشان ينزل يقابلني فأنا كنت واقف جمب محل ملابس والست اللي اسمها أورى.ع.ي، دى كانت واقفه قدام المحل.
س: ما هي الأفعال المادية التي بدرت منك تجاه المجني عليها حال تواجدها بذلك الحانوت؟
ج: هو المحل دا فارش استندات ومانيكانات قدام المحل فا وأنا واقف كنت عايز اسند على مانيكان من المانيكانات.. فإيدى اليمين جات بالغلط على مواطن عفتها وأنا اعتزلتها.
س وهل أنت لامست أجزاء حساسة بجسد المجني عليها حال تواجدها بذلك الحانوت؟
ج: إيدي اليمين جات بالغلط على مواطن عفتها.
س: وما التصرف الذي بدر من المجني عليها عقب أن قمت بملامسة موطن من مواطن عفتها ؟
ج: اول لما ايدى جت عليها لاقيتها صوطت فا انا قولتلها انا اسف انا مقصدتش اجى جمبك لاقيتها اتعصبت وراحت رامية الماليكان على الأرض.
س: وما طبيعة المكان من حيث المارة آنذاك ؟
ج: هو الشارع كان هادي بسبب ان الوقت كان متاخر.
س: هل من ثمة اشخاص أبصر الواقعة آنذاك ؟
ج: لا.
س: هل من ثمة شخص قام بتلبية استغاثة المجني عليها آنذاك؟
ج: أيوة هو الراجل صاحب المحل اللي جوه لقيته طلع ومسك فيا وأنا كنت عمال أقوله إني مكنش قصدي أخبط فيها وإيدي خبطت فيها بالغلط.
