أرملة إحسان الترك: تامر حسني بيكلمني يتطمن علينا.. ومحمد رمضان مجاش العزاء ولا كلمنا
تحدثت أرملة الفنان إحسان الترك، عن أوضاعها بعد وفاة زوجها الراحل، كما كشفت عن من يتواصل معها من الوسط الفني ليطمئن عليها.
وقالت أرملة إحسان الترك خلال لقائها مع القاهرة 24: إحسان الله يرحمه قبل ما يتوفى وصّى عليا ابني، والفنان تامر حسني كان على تواصل دائم معايا بعد الوفاة وبيتطمن عليه، وحسن شاكوش مبقاش بيتكلم من آخر مرة.
وأضافت أرملة إحسان الترك: إحسان اشتغل مع محمد رمضان في مسلسل الأسطورة وكانت العلاقة كويسة وإحسان شكره قبل وفاته، لكن معرفش ليه مجاش العزاء ولا كلمنا، إحنا مش بنطلب من حد حاجة مادية ولا مساعدة، بنطلب العزاء فقط.
أرملة إحسان الترك تستغيث بعد وفاته
وسبق وناشدت أرملة إحسان الترك المسؤولين بضرورة النظر في حالتها المادية بعد وفاة زوجها، مؤكدة أنها لا تتقاضى أي معاش، ولا تملك مصدر دخل ثابت يعينها على أعباء الحياة، وقالت خلال لقائها مع القاهرة 24: ابنه بيساعدني على قد ما يقدر، لكن المصاريف كتير، وأنا مش باخد معاش، ومعنديش مصدر دخل تاني، وإيجار شقتي 4 آلاف جنيه، أجيب منين كل ده؟
وأضافت أرملة إحسان الترك: مش بطلب كتير، على الأقل يبقى فيه معاش يساعدني شوية، خاصة إن محدش من الوسط سأل ولا ساعد بعد وفاة إحسان.
