على فراش المرض.. مسلم يهاجم نقيب الموسيقيين: شرياني مسدود وأنا ومراتي بنموت بسببك
نشر مطرب المهرجانات مسلم صورًا له ولزوجته من داخل المستشفى عبر حسابه الرسمي على إنستجرام، مهاجمًا نقيب المهن الموسيقية مصطفى كامل، على خلفية قرار إيقافه عن الغناء، معتبرًا أنه تسبب له في أزمة صحية ونفسية حادة.
وكتب مسلم في منشوره: حسبي الله ونعم الوكيل، والله دا ما يرضي ربنا، الصبح يتسد ليا شريان في القلب، وبالليل أنا ومراتي بنموت، يا ريت تدعولنا، أنا حرفيا شوفت الموت الصبح، حسبي الله ونعم الوكيل في كل واحد سبب في مرضنا كدا.
وأضاف مسلم: محدش همه زعل الإنسان ولا بينام بليل عامل إزاي بسبب ناس ظالمة كتير، وإنتوا عارفين كويس هما مين، والله ما مسامحك يا مصطفى يا كامل.
وأوضح مسلم أن حالته الصحية حرجة، بعد انسداد في أحد شرايين القلب، ما استدعى دخوله المستشفى للمرة الرابعة خلال فترة قصيرة، وربط حالته النفسية والبدنية بالضغوط الكبيرة التي يتعرض لها نتيجة إيقافه عن العمل، مؤكدًا أن القرار صدر دون أي تحقيق أو تواصل رسمي من النقابة.
وكانت نقابة المهن الموسيقية أعلنت في وقت سابق وقف مسلم عن الغناء، مبررة القرار بعدم التزامه بتعاقداته مع منظمي الحفلات، وهو ما نفاه المطرب، مؤكدا أنه كان يمر بظروف صحية ونفسية صعبة.
وأنهى مسلم منشوره بدعوة متابعيه للدعاء له ولزوجته، مشددًا على أنه سيتخذ كافة الإجراءات القانونية للدفاع عن نفسه واسترداد حقه.
مسلم يهاجم مصطفى كامل
سبق وهاجم مسلم، نقيب الموسيقيين مصطفى كامل، إذ كتب: حسبي الله ونعم الوكيل في النقابة، وكل اللي فيها وربنا كبير مش بيضيع حق حد، وأنا اتظلمت كتير وربنا مش بيسيب حق حد، وأنا في دولة قانون، ومش هسيب حقي ولو أنا ناجح ده مخليكوا كارهني ده بيكون مرض برضه، ومش ذنبي إني إنسان كويس وبسعى علشان أوصل لحلمي وهفضل لآخر نفس علشان أوصل لحلمي، ومش هسيب حد، وربنا كبير وحسبي الله ونعم الوكيل في كل اللي ظلمني.
