قدر ربنا وراضي بيه.. أول تعليق من إمام عاشور بعد إصابته بكسر في الترقوة
علق إمام عاشور نجم فريق الأهلي على الإصابة التي تعرض إليها خلال مشاركته في مباراة إنتر ميامي ضمن منافسات بطولة كأس العالم للأندية.
وغادر إمام عاشور ملعب هارد روك بعد الدقائق الأولى من مباراة إنتر ميامي، على خلفية الإصابة التي تعرض إليها في اللقاء.
وقال إمام عاشور عبر حسابه الشخصي على موقع التواصل الاجتماعي إنستجرام: ما قدر الله لك فهو آت إليك، وما لم يقدره لك فلن يدخلك، الحمد لله على كل شيء كانت صعبة وجات في أول لحظات ليا في البطولة، وده قدر ربنا ونرضى به.
وتابع عاشور في تصريحاته: كان نفسي أكون موجودًا وأقاتل مع إخواتي في الملعب، بس دا نصيبي ودلوقتي داخل أعمل العملية، وإن شاء الله أرجع أقوى.
وأردف نجم الأهلي في حديثه: الإحساس اللي جوايا دلوقتي مش سهل، بس اللي مخليني ثابت هو إيماني بدعمكم ودعائكم.
واستكمل إمام عاشور: المرحلة دي محتاج منكم تبقوا ورا كل لاعب في الفريق، سواء قديم أو جديد، كلهم بيلعبوا بقلبهم
واختتم اللاعب حديثه قائلًا: وبيحبوا النادي وبيخافوا عليه، صدقوني دعمكم بيفرق جدا واللاعيبة مستنياكم زي ما دايما واقف في ضهرنا.
وكان الأهلي قد أعلن في صباح اليوم الأحد إصابة إمام عاشور بكسر في الترقوة بعد الفحوصات الطبية التي أجراها اللاعب خلال الساعات القليلة الماضية.
