مدحت العدل: أتمنى لـ مينا مسعود ينجح ويكسر الدنيا.. والشباب هما أمل السينما
تحدث الدكتور مدحت العدل عن رؤيته للفن والسينما، مبديا دعمه الكبير للفنان مينا مسعود بمناسبة تقديمه أولى بطولاته السينمائية بـ فيلم في عز الظهر، مؤكدا أهمية النجاح المحلي إلى جانب العالمي.
وقال مدحت العدل في تصريحات لـ القاهرة 24: بغض النظر عن النجاح اللي حققه برا، الواحد دايما بيبقى نفسه ينجح وسط أهله وناسه اللي هو طالع منهم.. وأنا حاسس بشعور مينا دلوقتي، وإن شاء الله ينجح ويكسر الدنيا.. ويبقى إضافة قوية، مش بس للفن، لكن كمان لمصر.
وعن حال السينما المصرية حاليا، أشاد العدل بالحراك الشبابي في المجال، قائلا: اللي بيحصل حاليا جميل، في ناس كتير بتحلم وتشتغل، سواء كتاب شباب أو مخرجين شباب.. إحنا لازم ندعم بعض، هي دي سنة الحياة، إن كل جيل يفتح الباب للي بعده.
وفيما يخص تجربته مع الأعمال الموسيقية، أشار إلى أنه لم يقدم ميوزيكال تقليديا، لكنه خاض تجارب مشابهة مثل مسرحية شارلي شابلن وفيلم آيس كريم في جليم، مؤكدا رغبته في خوض تجربة إنتاج عمل غنائي في المستقبل: دلوقتي كل تركيزي في المصنع، لكن لو أي شاب جالي بفكرة ميوزيكال قوية، ليه لا؟
فيلم في عز الظهر
سبق وشهد العرض الخاص لفيلم في عز الظهر حضورا فنيا لافتا، دعما للنجم العالمي مينا مسعود، في أولى بطولاته السينمائية بمصر.
وكان من أبرز الحاضرين كل من الدكتور مدحت العدل والفنان أحمد وفيق، في لفتة تعكس دعم الوسط الفني للنجم المصري وحضر العرض أيضا عدد من أبطال الفيلم ونجوم الفن، منهم: محمود حجازي، شيرين رضا، رشا مهدي، هيدي كرم، إلى جانب نخبة من صناع السينما والمحبين.
