سعد الصغير يفي بوعده ويمنح أرملة شيكا مبلغًا ماليًا.. ويعرض المساعدة على والدته
وفى الفنان سعد الصغير بوعده تجاه هبة أرملة لاعب الزمالك السابق إبراهيم شيكا، حيث كشف عن قيامه بتحويل مبلغ مالي لها بمناسبة عيد الأضحى، في إطار مبادرة دعم إنسانية أطلقها منذ أيام عقب وفاة شيكا، والتي تهدف إلى مساندة أسرته خلال هذه الفترة الصعبة.
قال سعد الصغير في تصريحات لـ القاهرة 24: الحمد لله وفيت بوعدي وبعت مبلغ بسيط لأرملة شيكا في العيد، وهي وافقت تاخد المبلغ، والمبادرة لسة مستمرة لأي حد يحب يساعد.
كما وجّه رسالة مباشرة إلى والدة الراحل شيكا، قائلًا: لو عليكي أقساط أو محتاجة عملية أو مصاريف، ابعتيلي عادي لحد ما إعلان الميراث يطلع، واعتبريني زي ابنك، ومتخافيش.. اللي ليكي هتاخديه، ده اللي أقدر أساعد بيه، لكن موضوع العمرة أو السكن، ابنك لسه متوفي، فاستني شوية، أي حاجة تانية ابعتيلي وهساعدك فيها لوجه الله.
سعد الصغير: المبادرة لوجه الله.. وأتمنى قبولها
وفي خطوة إنسانية لاقت تفاعلًا واسعًا، أطلق الفنان سعد الصغير مبادرة خيرية لمساعدة أرملة لاعب الزمالك الراحل إبراهيم شيكا، بعد علمه بظروفها الصعبة عقب وفاة زوجها، وما تمر به من ضغوط مادية ونفسية أثناء تربية نجلها بمفردها.
وأكد سعد الصغير، في تصريحات خاصة لـ القاهرة 24، أن مبادرته صادقة وخالصة لوجه الله، ولا تهدف لأي شهرة أو دعاية.
وقال: أنا مش قادر أشوف أرملة صاحبي في ضيق وأسكت، جمعت مبلغ كبير علشان أساعدها، وياريت تقبلي المساعدة وتوافقي تاخدي الفلوس.
وأشار الصغير إلى أنه سبق وعرض دعمًا ماليًا لعلاج شيكا في حياته، لكن الأسرة رفضت حينها، مضيفًا: في ناس من فاعلي الخير ساعدوني وكل واحد قدّم اللي يقدر عليه، بس أنا زعلان إنها كانت بتطلع في لايفات تطلب دعم وإحنا موجودين.
