ياسمين عز تدافع عن لاعبي الأهلي بعد الخسارة أمام بالميراس: اللي حصل لعنة والعاصفة مفتعلة
دافعت الإعلامية ياسمين عز، عن لاعبي الأهلي، بعد خسارتهم أمام بالميراس في بطولة كأس العالم للأندية 2025، المقامة في الولايات المتحدة الأمريكية.
وقالت ياسمين عز، في برنامجها كلام الناس، المذاع عبر شاشة قناة MBC مصر: أفشة كان سارح في ملكوت الله وكان ناقص يطلب كوباية شاي، في حاجة مش طبيعية اللعنة مخلياه كأنه بيلعب في الشارع مش أمريكا، ولما الأهلي يفوق تحصل عاصفة كونية خلي بالك رياح شرقية وبن شرقي، اشمعنا المرة دي الرياح شرقية وهي أصلا غربية، عايز تقولي إن الطبيعة ضدنا؟.
وتابعت ياسمين عز: أكيد لأ في حاجة غلط مين قالك أن العاصفة دي مزقتش الكورة لما شاطها وسام أبو علي علشان تدخل فينا جول، مين قالك إن العاصفة دي مطيرتش محمد هاني، دي عاصفة مفتعلة مش طبيعية ولا بتاعة ربنا، الملعب ملعون عاصفة غريبة شرقية والكورة بتلف وترجع لورا، كلها حاجات فانتزايا.
الأهلي وبالميراس
وتلقى الأهلي هزيمة أمام بالميراس البرازيلي بهدفين دون رد، في المباراة التي جمعتهما أول أمس الخميس، ضمن منافسات الجولة الثانية من دور المجموعات بكأس العالم للأندية.
