صافيناز: أجورنا من 3 إلى 60 ألف جنيه.. ومش بشتغل في أماكن فيها خمور
أكدت الراقصة صافينار أنها لا تهتم كثيرًا بالعائد المادي من عملها، مشيرة إلى أنها تحرص على العمل في الأماكن الخالية من الخمور، وتتعامل مع مهنتها بروح إنسانية قبل أي شيء.
صافيناز: مش بشتغل في أماكن فيها خمور
وقالت صافينار في تصريحات لـ القاهرة 24: إحنا مش بنقبض ملايين زي ما الناس بتقول، الكلام اللي بيتقال عن إننا بناخد 130 مليون جنيه مش حقيقي خالص.
وأضافت صافينار: أجورنا بتبدأ من 3 آلاف جنيه وتوصل لـ60 ألف جنيه، وده أعلى رقم ممكن حد فينا ياخده، بدلة الرقص نفسها بتكلف حوالي 40 ألف جنيه، ورغم كده ساعات بنزل من أجري لما حد يكون عايزني في فرحه، لأني مش بحب أكسر بخاطر حد.
وواصلت: مش بشتغل في أماكن فيها خمور، ومش الفلوس هي اللي بتحركني، بحب شغلي وبحترم الناس اللي بتفرح بيا.
أعمال صافينار
يذكر أن صافينار شاركت في بطولة فيلم أنت حبيبي وبس، الذي عُرض عام 2019، وتناول العمل في إطار كوميدي، الفنان المشهور زيكو، الذي يضطر للزواج من بوسي، بعد أن اشترط جدهما في وصيته زواجهما للحصول على الميراث والذي يبلغ 5 ملايين جنيه، ومع تطور الأحداث يتحول ارتباطهما إلى حب حقيقي.
شارك في بطولة فيلم أنت حبيبي وبس، نخبة من أبرز الفنانين منهم: محمود الليثي، بوسي، محمد ثروت، محمد محمود، صافينار، أحمد حلاوة، والعمل من تأليف سيد السبكي، وإخراج أحمد البدري.
