طارق الشناوي عن أزمة السقا ومها الصغير: ماعتقدش طليقته هدفها حبسه لأن بينهما أولاد
كشف طارق الشناوي، الناقد الفني، عن رأيه في البلاغ الذي تقدمت به مها الصغير، والتي تشكو فيه أحمد السقا بالتعدي عليها وعلى السواق الخاص بها.
طارق الشناوي لـ عمرو أديب: أحمد السقا الوحيد القادر على انهاء خلفاته مع زوجته
وحل طارق الشناوي ضيفًا في مداخله هاتفية على برنامج الحكاية وقال: ما هي اللي قدمت البلاغ لو الكلام اللي قالته ونسب إليها كذب هي هتتحاسب، لأنها تهمة خطيرة جدا، هي قالت إنه اعتدى عليها هي والسواق، واللي اتقال نقلا عن إحدى المذيعات كان قاسي جدا إنه صرف عليها في التعب وكده، ده مش أخلاق أحمد خالص، أحمد السقا جدع وابن بلد وله مواقف إنسانية، ازاي يتحول الموضوع فجأة لـ كده.
وأضاف: أحمد السقا الوحيد اللي يقدر يوقف القصص اللي بتحصل مع طليقته، وفي ولاد بينهم ومتصورش أنها هتبقى سعيدة باللي بيحصل وبينهم ولاد، معتقدش أن يكون هدف مها الصغير حبس السقا لأنه كان زوجها السابق ولا زال والد أولادها.
نصيحة عمرو أديب لـ أحمد السقا
ووجه عمرو أديب رساله لـ أحمد السقا قائلًا: بنقول كفاية كده، مش عادي يكون في رغبة في الانتقام والغضب دخلنا بالمعروف وخرجنا بالمعروف وبناشد صديقي وبقولك أهدى، أنت ملء السمع والأبصار، أنت عندك مليون حاجة تشغلك عن الوضع ده، عن جمهورك وحياتك، وفيلمك أحمد وأحمد نازل، كل يوم الفنانين بيتطلقوا بيتجوزا، وخلصنا مع السلامة، لكن الموهبة دي لازم متبقاش مشتته.
وأضاف: احنا ناس يا جماعة بنشتغل بمخنا لو مخك ده مش هادي وراسي مش هتشتغلك، في ناس تانية رأس مالها يتابعوه من باريس أو لندن، أنا لو مجتش هنا بكره خلاص مش هلاقي أكل، مقدرش أبعت حد مكاني، أو يشوفلي الحكاية دي، ف أنت لو مش متماسك كل سنة وأنت طيب.
