أمامه رحلة علاج طويلة.. أول تعليق لشقيق آخر ضحايا خط الغاز بعد خروجه من المستشفى| خاص
أعلنت هبة السويدي، رئيس مجلس أمناء مؤسسة أهل مصر، عودة الشاب مصطفى حجازي إلى منزله بعد رحلة علاج استمرت لأسابيع، عقب إصابته بحروق خطيرة بنسبة 65% في حادث انفجار خط الغاز على طريق الواحات.
أول تعليق لشقيق آخر ضحايا خط الغاز بعد خروجه من المستشفى
وقال شقيق آخر ضحايا خط الغاز بعد خروجه من المستشفى، في تصريحات خاصة لـ القاهرة 24: أخويا الحمد لله خرج النهاردة من المستشفى لسه راجع البيت بعد شهرين كان بيتعالج فيهم، وده موضوع مش سهل بالنسبة له ولينا كأسرة، وقدامنا طريق علاج طويل لسه هيبدأ الفترة اللي جاية.
وأضاف: الحادثة مكنتش عادية أو سهلة إطلاقا وأخويا خرج من المستشفى بس بيعاني من حروق في كل جسمه ومحتاج تغيير على الجرح يوميًا عشان يقدر يتعافى ويرجع زي الأول، وفي نفس الوقت هنبدأ تأهيل وعلاج طبيعي الشهور الجاية.
وأوضح: الحادثة كانت صعبة أوي ومات ناس كتير وطول فترة العلاج كنا خايفين بس عندنا أمل في ربنا ورحمته بينا، والحمد لله إنها جت على قد كده، لكن لسه المشوار طويل دعواتكم ربنا يقدره ويقدرنا نكمل الرحلة ويقوم منها بالسلامة وتعدي على خير.
وفي وقت سابق، ناشدت زوجة مصطفى حجازي أحد مصابي انفجار خط الغاز بأكتوبر، والذي حدث يوم 30 أبريل الماضي، الجهات المعنية بمحاسبة المسؤولين عن الحادث المأساوي، بعد تعرض زوجها لإصابات بالغة بالجسد إثر الحادث، والذي يتلقى العلاج الآن بالعناية المركزة.
