بعد اعتزاله المهرجانات.. علي قدورة يتجه إلى الإنشاد الديني
أعلن علي قدورة، بدء تحضيراته للاتجاه للإنشاد الديني، وذلك بعدما اعتزل غناء المهرجانات الشعبية في عام 2023، مؤكدًا بهذه الخطوة عدم رغبته في العودة من جديد لغناء المهرجانات الشعبية.
بعد اعتزاله المهرجانات.. علي قدورة يتجه إلى الإنشاد الديني
وشوق علي قدورة، جمهوره ونشر مقطع فيديو عبر حسابه بموقع إنستجرام، ظهر خلاله يسجل داخل الاستوديو، ووضع عليه أنشودة دينية، وعلق: مشروع وتجربة جديدة بنحضرها وإن شاء الله بالتوفيق.
علي قدورة
وكان أعلن علي قدورة اعتزاله الغناء، حيث كتب عبر حسابه بموقع انستجرام: السلام عليكم في يوم جمعة مبارك أنا علي عبد القادر السيد، الشهير بـ علي قدورة، كنت مغني قبل النهاردة، فيه حاجة حصلتلي مش عارف إيه هي بس الحاجة دي هي اللي بتخليني أتكلم دلوقتي، أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا، ربنا يسامحني على أي حاجة أنا عملتها في حياتي، أو أي حاجة صدرت مني دون قصد، يا رب قربني ليك وافتحلي باب رزق يرضيك، ومفيهاش حاجة لو بدأت من جديد في أي شغل بالحلال، وأي فلوس معايا هسيبها لـ أهلي.
وطلب علي قدورة، من جمهوره الدعاء له بالثبات، حتى لا يتراجع في قراره نهائيًا مهما كانت المغريات المادية، قائلًا: تقاربت من السنة وأنا بعيد عن شغل الأغاني، وبدأت شغلي في الملابس من ساعتها، بس بجد اختبارات كتير قابلتها ولسه بتجيلي كل يوم فـ ادعو لي بـ الثبات والتثبيت لأن محتاج دعواتكم بجد.. ربنا يهدينا جميعًا كلنا خطائين ولكن خير الخطائين التوابون.
