شريف رمزي: الفن مهم في فترات الحروب والأحداث السياسية عشان نهون على الناس
علق الفنان شريف رمزي، على توقيت عرض الأعمال الفنية في الفترات التي تشهد حروبا أو أحداثا سياسية صعبة بشكل عام.
وقال شريف رمزي خلال لقائه مع القاهرة 24: دايمًا لما العالم بيكون فيه مشاكل وحروب، لازم يبقى في فن وأعمال نقدمها عشان نهون على الناس وندي أمل، والأعمال دي تعادل شوية الحاجات اللي مش كويسة اللي بنشوفها.
أعمال شريف رمزي
ويستعد شريف رمزي للتعاون مع المخرج رامي إمام في إعادة تقديم فيلم البحث عن فضيحة، الذي قدمه الفنان عادل إمام في وقت سابق، وعلق شريف رمزي على إعادة تقديم هذه الأيقونة، وقال خلال لقاءه السابق مع القاهرة 24: إحنا بنقدم الفيلم بشكل معاصر عشان الأجيال القديمة اللي محضرتش فيلم البحث عن فضيحة، وكمان عشان الناس اللي حضروا الفيلم زمان هيحبوا يشوفوا النسخة المعاصرة منه.
وسبق وأعلن صناع فيلم البحث عن فضيحة بنسخته العصرية، إعادة تقديم النسخة الأصلية من العمل، وكشف المخرج رامي إمام، رأي الزعيم عادل إمام، في إعادة تقديم الفيلم مرة أخرى، وقال رامي إمام خلال تصريحات تليفزيونية سابقة له: الزعيم مرحب بالفكرة على عكس ما يقال إنه ضد فكرة إعادة الأفلام طالما في تكنولوجيا جديدة تساعد العمل، المهم طريقة التناول مش التشابه.
