كفاية مقارنات وقرف.. أنغام ترد على تورط اسمها في حملات الهجوم على شيرين عبد الوهاب
أعربت الفنانة أنغام عن استيائها الشديد من فكرة المقارنات التي تحدث من الجمهور بشأن أعمالها وأعمال الفنانة شيرين عبد الوهاب، مؤكدة أن كل شخصية لها جمهورها المختلف.
وتحدثت أنغام خلال تصريحات تليفزيونية عن المقارنات بينها وبين الفنانة شيرين عبد الوهاب، قائلة: كفاية قرف ومقارنات بيني وبين شيرين، هي ليها جمهور وأنا ليا جمهور، عيب الضغينة اللي بتزرعوها بيني وبين شيرين.
وأضافت: رفعت قضية على شاب قالي “مش هترحمي شيرين يا أنغام؟” واتسجن.. حرام تطلعوني شيطانة وبشن حملات على زميلة.
وأردفت: مش بتهم شيرين إن هي السبب لكن الناس بيقنعوها بده، كفاية حقد وسيبوني في حالي، وملكوش دعوة بنوايايا.. أنا بتهاجم زيي زي شيرين.
أنغام: استحملت تلقيح كتير.. وده حرام وعيب
وتحدث أنغام أيضًا عن اتهامها بأنها السبب في توجيه الحملات ضد شيرين عبد الوهاب، قائلة: استحملت تلقيح كلام كتير الفترة اللي فاتت من ناس كتير، ومنهم شيرين شخصيًا، بس لما الأمور توصل للشيطنة والافتراء ده حرام وعيب، لأن إحنا الاتنين المفروض أكبر من كده.. وأنا مش الشخصية اللي بتحب تدخل في مهاترات أو حتى تدافع عن نفسها، في أي حاجة الناس بتقولها بسيب الأمور تظهر لوحدها، لأن ربنا بينصفني في أمور كتيرة، واللي يعرفني كويس يعرف إني ست مش بتاعة مشاكل، وإني في حالي.
