سمية الخشاب: عمري ما قدمت تنازلات عشان أشتغل.. وخالي سافر أمريكا بسببي
كشفت الفنانة سمية الخشاب عن الخطوات الأولى لها في مجالها الفني، وتفاصيل سفر خالها إلى أمريكا بسببها.
سمية الخشاب: لم أقدم تنازلات بسبب العمل
وقالت سمية الخشاب في تصريحات تليفزيونية: لو أنا بشتغل في بنك ممكن حد يعاكسني عادي، والفن أقل المجالات اللي ممكن يحصل فيها مضايقات للجنس الناعم، وعمري ما قدمت تنازلات علشان أشتغل، وخالي قاطعني فترة بسبب التمثيل وسافر أمريكا بسببي، فضلًا على أن الظروف كلها كانت ضدي، وفي المراحل الأولي في مشواري الفني ماما كانت بتيجي معايا أي لوكيشن تصوير، وعلشان كده بقت أشهر أم في السينما المصرية.
وأضافت: أنا حجيت ومحافظة على العبادات الدينية والغناء والتمثيل مش حرام، لأن أنا مش بأذى حد، فضلًا على أني فكرت في الحجاب وأنا في المرحلة الثانوية، وإلهام شاهين لما قالت أن الناس متصليش في الشغل كان قصدها الشغل عبادة.
واستكملت: مع بداية التحضير لمسلسل الحاج متولي كنت زعلانة إني مش في المسلسل ده، ولكن فجأة قبل التصوير بيوم المنتج كلمني وقال احنا بكره هنبدأ تصوير وبثينة رشوان اعتذرت.
