بيومي فؤاد: أنا خدام لقمة عيشي.. وفركشت تصوير قبل كدة بسبب ماتش الأهلي
تحدث الفنان بيومي فؤاد، عن مشاركته في فيلم الحرب العالمية التالتة، كاشفا أن دوره كان للفنان صلاح عبد الله في البداية.
وقال بيومي فؤاد خلال لقائه ببرنامج فضفضت أوي، تقديم المخرج معتز التوني: دوري في الحرب العالمية التالتة كان بتاع صلاح عبد الله واختلفوا ماديا، وقال في حد هييجي يعمل الدور أحسن مني متشيلوش هم.
وتابع: المخرج أحمد الجندي كان مرتاح أكتر عشان صلاح عبد الله كان هيتبهدل في الدور، وهو مش عايز يبهدله.
وأضاف بيومي فؤاد: أنا خدام لقمة عيشي ومش بتدلع لكن بقلب تافه جدا لما التصوير يقف قدام ماتش الأهلي مش هقدر، وإحنا بنصور فيلم وقفة رجالة قالولي وقت الماتش مش هيكون في تصوير وفجأة قالوا هنصور، قولتلهم مش هصور واتفقت مع المخرج نفركش ومشيت.
بيومي فؤاد: اشتغلت كومبارس متكلم في فيلم دكان شحاتة
كما تحدث عن مشاركته في فيلم دكان شحاتة، قائلا: اشتغلت ضيف شرف في فيلم دكان شحاتة، كومبارس متكلم، وخالد يوسف كان بيشرحلي وعمرو سعد نايم في المشهد، لقيته فتح عينيه وقالي إزيك يا بيومي.
أعمال بيومي فؤاد
وعلى جانب أعمال بيومي فؤاد، شارك في موسم رمضان الماضي 2025، من خلال مسلسل قهوة المحطة، الذي ضم كل من الفنان أحمد غزي، فاتن سعيد، انتصار، وآخرين، والعمل من تأليف عبد الرحيم كمال، وإخراج إسلام خيري.
