صاحبه خد فلوسه واستعوضت ربنا في الورث.. والدة اللاعب إبراهيم شيكا ترد على الانتقادات الأخيرة| خاص
لا يزال هناك خلاف بين أسرة لاعب نادي الزمالك الراحل إبراهيم شيكا وأحد أصدقائه المقربين، بعد زعم شقيقه استيلاء صديق شيكا المقرب على أمواله من خلال المحفظة الإلكترونية قبل وفاته وشراء هاتف جديد، ما دفع أرملته لنشر فيديو عبر حسابها لتدافع فيه عن صديق لاعب الزمالك الراحل.
والدة اللاعب إبراهيم شيكا ترد على الانتقادات الأخيرة
وقالت والدة إبراهيم شيكا في تصريحات خاصة لـ القاهرة 24: صاحبه خد فلوسه واستعوضت ربنا في الورث، وإحنا في المستشفى قبل ما شيكا يموت فلوسه اتسرقت وراح صاحبه اشتري تليفون جديد بـ 10 آلاف جنيه وبصموا أبني قبل وفاته.
وأضافت والدة إبراهيم شيكا: استعوضت ربنا في نصيبي من الورث مش عايزة حاجة خلاص تعبت من كتر ما طالبت بحقي ومفيش فايدة ولا حاجة بتحصل.. وبدعي على كل اللي ظلمني أنا وعيالي ليل ونهار ربنا عالم بينا.
وأكملت والدة إبراهيم شيكا: اللي بيموت بيستريح مش شر ولا حاجة أنا تعبت من حياتي ومفيش حاجة هتعوضني عن شيكا ابني ولزمتها إيه الفلوس وأنا ابني مش معايا.. مراته وصاحبه بصموه في المستشفي عشان ياخدوا فلوسه ومش مسامحة في حقي ولا حقه ربنا موجود وعالم باللي بيحصل إحنا ناس غلابة وعلى قد حالنا.
