حمو بيكا عن أزمة حذف الأغاني واعتزال المطربين: إحنا بنصلي وعارفين ربنا.. وفاتحين بيوت ناس
نفى مؤدي المهرجانات حمو بيكا الأنباء المتداولة مؤخرا حول اعتزاله الفن، مؤكدا أنه مستمر في عمله الفني طالما لا يخالف القيم أو القوانين.
حمو بيكا عن أنباء اعتزاله: معرفش ليه الخبر ده منتشر.. أنا مبعملش حاجة غلط
وقال بيكا خلال بث مباشر عبر صفحته على فيس بوك: معرفش ليه الخبر ده منتشر.. أنا مبعملش حاجة غلط. لما مسحت أغاني أحمد عامر عشان هو في ذمة الله والمفروض ميكنش ليها وجود عندي.. إنما قصة اعتزالي المنتشرة، اعتزل ليه؟ إحنا مبنعملش حاجة غلط، ده أكل عيشنا وفي 25 فرد وفاتحين بيوت من ورانا.. وربنا هو اللي هيحاسبنا مش أنتم.
وأضاف بيكا في بث مباشر آخر: الحمد لله إحنا عارفين ربنا كويس وبنصلي.. ومبنعملش حاجة غلط يعني.. أنا وقفت شغل إمبارح، مخدتش شغل خالص ووقفنا طرح الأغاني عشان وفاة أحمد عامر.. ومش هنعتزل لأن دي لقمة عيشنا، وكلنا أموات ورايحين.
وتابع قائلا إنهم ملتزمون بما يرضي الله، رافضا الانتقادات التي تطالهم بسبب نوعية الأغاني أو أسلوبهم في العمل الفني، مشددا على أن ما يقدمونه هو مصدر رزق لعشرات الأسر.
سبق وأعلن مؤدي المهرجانات حمو بيكا، حذف جميع أغاني المطرب الشعبي أحمد عامر، عقب وفاته، إذ رحل عن عالمنا أمس إثر تعرضه لأزمة قلبية مفاجئة، مطالبًا محبيه بالدعاء له بالرحمة والمغفرة، حيث كتب بيكا منشورا، عبر حسابه الشخصي بموقع فيس بوك، جاء فيه: تم حذف جميع أغاني أخويا أحمد عامر من على قناتي، ربنا يرحمه ويغفر له ويسكنه فسيح جناته، نتمنى من كل صحاب شركات الإنتاج، وكل واحد عمل ديو مع أحمد يمسح جميع الأغاني بتاعته ربنا يرحمنا برحمته الواسعة ويغفر لنا جميعًا.
