أحمد الفيشاوي يظهر بسبحة والده الراحل خلال الصلاة: كانت تلازمه آخر 3 سنوات
شارك الفنان أحمد الفيشاوي جمهوره بلحظة مؤثرة عبر حسابه الشخصي على موقع التواصل الاجتماعي إنستجرام، إذ نشر مقطع فيديو يظهر فيه وهو يؤدي الصلاة ممسكًا بسبحة والده الراحل الفنان فاروق الفيشاوي.
وشارك أحمد الفيشاوي الفيديو عبر حسابه الشخصي عبر موقع إنستجرام، قائلًا: دي سبحة فاروق الفيشاوي، الوالد العظيم والجدع الطيب.. السبحة دي كانت معاه آخر 3 سنين في حياته، كانت ملازماه ومكانش بيسيبها.
تصريحات أحمد الفيشاوي
وفي سياق مختلف، سبق وكشف أحمد الفيشاوي، عن سبب رغبته في العيش وحيدًا دون زوجة ولا أبناء، موضحًا أن الأمر متعلق بحبه للفن وصناعة السينما.
وقال أحمد الفيشاوي، في حواره مع الفنان عباس أبو الحسن، في بودكاست حوارات مع عباس: أنا شخصية عايز أبقى لوحدي تمامًا، وأنا كده بقالي 6 سنين ولو ربنا إداني العمر هفضل لآخر نفس عايز أعيش لوحدي، لأني لما بعيش لوحدي معنديش رفاهية أني أخون حد أو حد يخوني، ولا أكذب على حد ولا حد يكذب عليا، ولا أنكد على حد ولا حد ينكد عليا، وأنا لو عندي زوجة أو عيال في البيت مش هعرف أعمل السينما اللي أنا عايزها، لا ضرر ولا ضرار.
وتابع أحمد الفيشاوي: واحدة من مراتاتي قالتلي أنت لو سبتني هتموت لوحدك، والست دي ادتني سكة عمري ما فكرت فيها، وعمري ما كنت هكمل في الإخراج اللي أنا عايزه، وقلت ليه يبقى عندي 70 ولا 80 سنة وحواليا عيل بيعيط وبنجيب له أدوية وبامبرز، أنا في الآخر هدخل القبر لوحدي ليه يبقى حواليا دوشة وأنا بعد ساعتين هبقى تحت الأرض؟، ما أنا ممكن آخر ساعات في حياتي أقضيها لوحدي على سريري أقول يا رب ارحمني أنا بموت.
أعمال أحمد الفيشاوي
وعلى جانب آخر، انطلق مؤخرًا تصوير فيلم حين يكتب الحب، بطولة الفنان أحمد الفيشاوي، ويشاركه في بطولة العمل كل من: الفنانة سوسن بدر، ومعتصم النهار، تأليف سجي الخليفات وإخراج محمد هاني، والذي ستدور أحداثه في إطار اجتماعي رومانسي.
