أحمد الباز: تجهيز العناية المركزة لقسم جراحة المخ والأعصاب في مستشفى كفر الزيات العام
أعلن رجل الأعمال أحمد الباز، رئيس مجلس إدارة مجموعة الباز للصناعات الغذائية ومالك سلسلة قصر الكبابجي، توفير أدوات ومستلزمات جراحية لاستحداث قسم جراحة المخ والأعصاب بغرفة العمليات بمستشفى كفر الزيات العام.
أحمد الباز: تجهيز العناية المركزة لقسم جراحة المخ والأعصاب فى مستشفى كفر الزيات العام
قال الباز فى منشور له عبر صفحته على فيسبوك: كام مرة شوفت فيها حالات بتتعرض لـ جلطات او نزيف أو حتى حوادث في الرأسربنا يحفظكم ؟، مؤخرًا تقريبًا محدش فينا مدخلش قسم المخ والأعصاب لنفسه أو لحد عزيز عليه، أيوه هي دي أمراض العصر اللي إحنا عايشينه ووجود قسم قريب مننا يلحق الحالات قبل ما تتدهور هو بمثابة إعطاء فرصه أخرى للحياة، قال تعالى: وَمَنْ أَحْيَاهَا فَكَأَنَّمَآ أَحْيَا ٱلنَّاسَ جَمِيعًۭا".
أضاف: عشان كده اخترت تكون خطوتي الجاية في مستشفى كفر الزيات هي توفير أدوات ومستلزمات جراحية لاستحداث قسم جراحة المخ والأعصاب بغرفة العمليات بمستشفى كفر الزيات العام في بلدنا، وإن شاء الله هيتم إن شاء قسم كامل شامل عناية على الأقل 5 أو 6 سراير مجهزة بأحدث الأجهزة والاستشاريين اللي يقدروا فعلا ينقذوا حياة أهالينا في كفر الزيات وما حولها.
وأردف: تم التواصل مع مديرية الشؤون الصحية بالغربية للتعاقد مع الاستشاريين على مدار 24 ساعة يوميا، وهنبدأ بالإنشاءات لتجهيز العناية المركزة لقسم جراحة المخ والأعصاب قريبًا جدًا، وهيكون جاهز في استقبالكم والتفاصيل هنعلنها قريبًا زي ما عودناكم على طول.
واصل: إحنا مؤمنين إن صحة أهلنا أهم حاجة في الدنيا، واخدين عهد على نفسنا نطوّر الرعاية الصحية ونخليها في أحسن صورة، بنشتغل ليل نهار علشان نطوّر المستشفيات ونجهّز مستشفى كفر الزيات العام بأحدث الأجهزة، دي مسؤوليتنا قدام ربنا وأهلنا، وديه رسالتنا.
