طبيبة كفر الدوار تهاجم سوزي الأردنية بسبب سفرها مع شاب: المشكلة إنك مؤثرة
أثارت طبيبة كفر الدوار وسام شعيب جدلا واسعا عبر مواقع التواصل الاجتماعي، بعد أن وجهت انتقادات لاذعة للبلوجر الشهيرة سوزي الأردنية، في منشور عبر حسابها الشخصي على فيسبوك، بسبب ما وصفته بـ تجاوزات غير مسؤولة من شخصية عامة لها تأثير واسع على فئة الشباب، رغم ظهور سوزي مُسبقًا وتوضيحها للأمر عبر منصة تيك توك.
طبيبة كفر الدوار تهاجم سوزي الأردنية بسبب سفرها مع شاب
وكتبت طبيبة كفر الدوار في منشورها: أنا من نوع الناس اللي مش بتحب تهاجم ولا بحب أفتش في نوايا حد، لكن فيه حاجات بنشوفها بتتكرر لازم نقف عندها ونفكر بصوت عالي، مشيرة إلى أنها كانت في البداية متعاطفة مع سوزي، لما كانت تقدمه من محتوى بدا إنسانيا، خاصة بدعوى دعم شقيقتها من ذوي الهمم ومساعدة عائلتها ماديًا.
لكن الطبيبة المصرية عبّرت عن صدمتها بعد متابعة سفر البلوجر مؤخرا مع شاب، موضحة أن الموضوع تم تداوله بشكل علني عبر منصات التواصل، سواء كان هناك علاقة بينهما أم لا، وأضافت: المشكلة إنك بلوجر ومؤثرة، وفيه آلاف البنات بيشوفوكي وبيعتبروكي قدوة، لما تسافري مع راجل من غير جواز، حتى لو شايفة إن ده حرية شخصية، فالمحتوى اللي بتقدميه مبقاش حرية.. ده بقى تأثير.
وتابعت: اللي بيشوفك ممكن يكون عنده 16 سنة، ما يعرفش يفرّق بين الحب والانهيار، ولا بين الجرأة والتهور، كونك بلوجر مش معناها إن حياتك ملك الناس، بس معناها إن كل تصرف ليه تمن، وكل حاجة بتعمليها بتأثر في تفكير الناس وشكلهم ومستقبلهم كمان.
سوزي الأردنية: أنا مسافرة عشان الشغل ومش بعمل حاجة غلط
وجاءت هذه الانتقادات رغم ظهور مُسبق للبلوجر سوزي الأردنية في فيديو أكدت فيه رفضها للانتقادات، قائلة: أنا مش ملزمة إني أطلع أبرر لأي حد أي حاجة أنا بفكر أعملها، أنا مش بعمل حاجة غلط، أنا مسافرة دهب عشان الشغل، وأول فيديو نزلته كان بمشاركة من الشركة المسؤولة، ومعايا صاحبتي ووالدة صاحبتي.
كما ظهرت والدة صديقتها في المقاطع نفسها لتؤكد: سوزي زي بنتي، وفي رقبتي، وبتنام عندي في الأوضة، في محاولة لقطع الطريق على الشائعات.
