عبير عادل: مقتنعة إن الحجاب فرض.. وبتمناه من قلبي لكن لسه مقدرش أخد الخطوة دي
كشفت الفنانة عبير عادل عن موقفها من ارتداء الحجاب، مؤكدة أنها تؤمن تمامًا بفرضيته، لكنها لم تستطع حتى الآن اتخاذ الخطوة، رغم رغبتها الشديدة في ذلك.
وقالت عبير عادل في لقائها مع القاهرة 24: أنا مقتنعة إن الحجاب فرض، ومقتنعة كمان إني مقصّرة، مقدرتش آخد الخطوة لحد دلوقتي، مع إني بتمناها من قلبي. لو خدت القرار مش هتراجع، حاسة إنه ده أنا فعلًا، وبادعي ربنا يقويني ويخليني أقدر آخده.. ادعولي.
وأشارت إلى أنها تشعر داخليًا بالقرب من هذه الخطوة، لكنها تنتظر القوة والإرادة الكاملة التي تدفعها لاتخاذ القرار دون تردد.
عبير عادل توجه رسالة للشباب
وفي سياق مختلف سبق، ووجهت الفنانة عبير عادل رسالة مباشرة للشباب بعد خوضها تجربة العمل في أحد تطبيقات التوصيل، مشددة على أهمية تحمل المسؤولية والسعي الجاد نحو العمل وعدم الاتكالية أو الاكتفاء بالشكوى.
وقالت عبير عادل خلال لقائها مع موقع القاهرة 24: الناس اللي بتقول مش لاقي شغل، الحقيقة إنك مش لاقي نفسك، لو بتحترم نفسك وبتحترم البيت اللي رباك، وبتقدر الناس اللي تعبوا عشان يوصلوك، هتشتغل أو تتعلم صنعة أو تكمل تعليمك.. لكن ماينفعش تقعد في البيت أو تبقى عبء.
وأضافت عبير عادل: السنين بتجري، وإنت بتضيع الكنز اللي ربنا مدهولك.. صحتك وشبابك، إزاي تقبل إنك تقعد على القهوة، والبنت اللي زيي هي اللي تنزل تشتغل؟ والله عيب.
