سيدة تستغيث لعلاج نجلها في الخارج: يعاني من ضمور العصب البصري.. والدواء غير متوافر بمصر
بصوت يملؤه القلق والحزن، تحدثت والدة الشاب أنس، ابن منطقة فيصل بمحافظة الجيزة، عن معاناة نجلها مع مرض ليبر الوراثي، الذي تسبب له في ضمور العصب البصري وفقدان البصر بشكل تدريجي.
أم تستغيث لعلاج ابنها في الخارج
وقالت والدة أنس في تصريحات خاصة لـ القاهرة 24: ابني ماكنش عنده حاجة، وكان بيشوف كويس لحد ما فجأة في شهر 11 اللي فات بدأ يشتكي إن الرؤية مش واضحة، وعينه اليمين بدأت تضرب، وبعدها بشوية الشمال كمان.
وتابعت: أنس عنده مرض نادر اسمه ليبر، ومالوش علاج هنا في مصر، علاجه متوفر في دول الاتحاد الأوروبي، ولو خد الدواء بدري ممكن نظره يتحسن ومايفقدوش خالص.
وبحسب التقرير الطبي، فإن حدة الإبصار في العين اليمنى لأنس بلغت 60/3، ولا تتحسن بالنظارة، أما العين اليسرى فحدتها 60/6 ولكنها لا تتحسن أيضًا، بسبب تأثر العصب البصري، رغم أن ضغط العين في كلا العينين طبيعي.
وأضافت الأم: الدكاترة بيقولوا إن الوقت مهم، وكل لما بدأنا العلاج بدري كل ما يكون فيه أمل كبير إنه يتحسن، بس الدواء مش متوفر في مصر، وأنا مش عارفة أجيبه إزاي أو منين.
واختتمت الأم بنداء مؤثر وجهته للمسؤولين والمعنيين بالشأن الصحي: نفسي أشوف ابني بيكمل حياته طبيعي زي أي شاب في سنه، ونفسي أي مسئول أو جهة تساعدنا في توفير العلاج أو حتى توصله من بره، وابني نفسه يرجع يشوف والنور مش بعيد لو حد حس بيه.
