دنيا ماهر تكشف تفاصيل طلاقها بعد 10 سنوات زواج: المشاعر بتتغير.. وممكن أتجوز تاني

كشفت الفنانة دنيا ماهر، تفاصيل طلاقها بعد 10 سنوات زواج، موضحة أن طليقها قدم لها كامل الدعم المادي والأسري على مدار سنوات زواجهما، ولكنهما اكتفيا بـ10 سنوات وقرر الانفصال بناء على رغبتهما.

وقالت دنيا ماهر، خلال لقائها مع الإعلامي عمرو الليثي، في برنامجه واحد من الناس: كل المرات اللي طلعت فيها تريند كان بسبب شغلي، وغير كده يبقى فضائح، وتجربة زواجي كانت كويسة وخدنا وقتنا واتعلمت حاجات عن نفسي أكتر من أي حاجة، ووقت ما كنت متجوزة عملت الكتاب بتاعي وكان عندي دعم طول الوقت حتى المادي أني مش لازم أشتغل، فكان عندي وقت أعمل حاجات تانية غير التمثيل.

وتابعت دنيا ماهر: اتجوزت لمدة 10 سنين وشايفة أنه وقت مناسب وهو نصيب وممكن المشاعر تتغير والناس متحسش أنهم سعداء ويكون عندهم الرفاهية أنهم يوقفوا الزواج ده قبل ما يكون عندهم مشاعر بايخة تجاه بعض، لأن الناس مبتكرهش بعض على طول، وأنا مش مقررة أتجوز تاني ولكن كل حاجة نصيب وبتيجي في وقتها ولو ظهر حد لطيف والحياة جميلة هتجوزه ليه لأ.

دنيا ماهر

وعلى جانب آخر، حققت الفنانة دنيا ماهر، نجاحًا في موسم رمضان الماضي 2025، بمشاركتها في مسلسل أشغال شقة جدًا، والعمل من بطولة الفنان هشام ماجد، الفنانة أسماء جلال، الفنان مصطفى غريب، الفنانة شيرين، الفنان محمد عبد العظيم، وعدد كبير من ضيوف الشرف منهم آية سماحة، إسلام مبارك، ناهد السباعي، رحاب الجمل وآخرين.