بعد انتشار صورها معه.. أول تعليق من الزوجة الثانية لمحمد النني: كفاية عليّا حبه ليا
عبّرت حنان، الزوجة الثانية لـ محمد النني لاعب أرسنال السابق والجزيرة الإماراتي الحالي، عن استيائها من الهجوم الذي تعرضت له عبر مواقع التواصل الاجتماعي، بسبب الصور التي ظهرت فيها إلى جانب زوجها.
وكتبت عبر حسابها الرسمي على إنستجرام: أهم شيء عندي هو محبة الناس اللي يعرفوني، وكفاية عليّا حب زوجي وحنان أهله، أما الناس اللي تسبّ وتشتم، فبقول: حسبي الله ونعم الوكيل.
وأضافت: مش محتاجة ذكاء، أول فيديو انتشر ليا مع زوجي كان من سنة تقريبًا، وكنا بنحضر مباراة للأهلي، قاعدين وسط الجماهير المصرية والصحافة، يعني ما كانش فيه حاجة سر.. وأهلنا الاتنين كانوا عارفين، فمش فاهمة ليه البعض اتصدم وكأنهم اكتشفوا حاجة جديدة.. وبعدين محمد عمره ما أعلن حاجة عن حياته الشخصية علشان يعلن دلوقتي متزوج أو مطلّق أو أي حاجة تانية.
واختتمت قائلة: زوجي اشترط عليّ الحجاب، وكنت موافقة، ووعدته إني أتحجب بس طلبت وقت، لأني عايزة أعمله لربنا مش لرضا الناس.. ودلوقتي، بشكركم على شتيمتكم لزوجي، لأنها خلتني أقرر ألبس الحجاب عن حب، علشان أحميه من الأذى وكمان أرضي ربي.
