زوجة تطلب الطلاق: اتجوزنا عن حب.. وبعد الجواز بقى شخص تاني
تقدمت سيدة شابة بدعوى طلاق أمام محكمة الأسرة، بعد عام ونصف من الزواج، مؤكدة أن زوجها تغيّر تمامًا بعد الزواج، وتحول من شخص رومانسي إلى إنسان عصبي، بارد، لا يتحمل أي مسؤولية، بحسب ادعائها.
قضايا من محكمة الأسرة
قالت الزوجة في دعواها: "اتجوزنا بعد قصة حب استمرت سنتين، كنت شايفة فيه كل الصفات اللي بحلم بيها.. حنين، بيسمعني، بيسندني، بس بعد الجواز اكتشفت إني كنت بحب نسخة مؤقتة"
وأضافت: بقى بيتعصب على أقل حاجة، بيتهرب من المصاريف، وبيسيبلي كل حاجة من أول الإيجار لحد مصاريف الأكل، بحجة إن الظروف صعبة، بس عمره ما فكر يشيل معايا الحمل.
وتابعت: حاولت أتكلم معاه كتير، أقوله نرجع زي الأول، نقرب من بعض، نحل مشاكلنا بهدوء، لكن كان دايمًا يقفل أي كلام ويقولي: اللي مش عاجبها تمشي.
وأكدت أنها فكرت في الطلاق أكتر من مرة، لكن كانت بتدي نفسها فرصة، لحد ما وصلت لمرحلة نفسية صعبة، وقالت:
"أنا كنت مستعدة أعدي كل حاجة، بس لما لقيته مش بيحاول ولا فارق معاه، قررت أنقذ نفسي."
أما الزوج، فأنكر كل الاتهامات، وقال: هي حساسة زيادة عن اللزوم، وأنا مش قادر أعيش حياة كلها طلبات وشكوى طول الوقت.
المحكمة قررت تأجيل الدعوى لجلسة صلح، مع عرض الطرفين على أخصائي اجتماعي ونفسي
