بدري أوي يا حبيبي.. الإعلامية داليا فرج تنعى طليقها المخرج سامح عبد العزيز: نفسي يكون كابوس
نعت الإعلامية داليا فرج، طليقها ووالد بناتها المخرج سامح عبد العزيز، معربة عن حزنها الشديد لفقدان رفيق عمرها موضحة أنها كانت برفقته في آخر 20 يوما من حياته خلال فترة مرضه بالمستشفى.
ونشرت داليا فرج، مجموعة صور، جمعتها بـ الراحل سامح عبد العزيز، وكتبت عبر حسابها بموقع فيس بوك: اللي بينا حاجة ما فيش غيرنا فاهمنها.. فاهمين تفاصيل بعض بنفهم بعض من نظرة، نتخانق بقى نزعل نحلف ما نكلم بعض تاني تقريبًا نص الصيام اللى بصومه رايح على الحلفان وأول ما تكلمني أنسى وأصالحك على طول علشان عارفة أن قلبك طيب بيبى كبير وضخم، وعلشان اللي جوانا بتاعنا إحنا وبس مش حاجة ممكن تفهموها أو تسموها لينا تأثير قوي على بعض فيه حته جوة كل واحد فينا للتاني خاصة ومختلفة.
وتابعت: عشرة عمري حبيبي أبو بناتي، رغم أنك مشيت بس اللي مريحني أن آخر 20 يوم كنا مع بعض كلنا على طول، يا رب ما أكونش قصرت في حقك هتوحشني أوى يا حبيبي يا غالي زى ما كنت باقولك دايمًا أنت الغالي وترد حبيبتي.
واختتمت: مش مصدقة إني باقولها ربنا يرحمك يا حبيبي ويسكنك فسيح جناته ويقدرني على المسؤولية، نفسي أنام وأصحى ألاقي ده كابوس ومش حقيقي، بدرى أوي أوي يا حبيبي، لا إله إلا الله.. لا إله إلاالله.. هتوحشني يا موحه.
وفاة سامح عبد العزيز
ورحل عن عالمنا صباح أمس، المخرج سامح عبد العزيز بعد إصابته بتسمم في الدم، الأمر الذي نقل على إثره لأحد المستشفيات، ومكث به لأكثر من 10 أيام قبل وفاته.
