هحتفظ بيه طول العمر ومش هفرط فيه.. أول تعليق من الأم الصماء صاحبة فيديو هدية الذهب من نجلها
تصدر فيديو لـ شاب يُدعى كريم لطفي تريند منصات التواصل الاجتماعي، وظهر الشاب يفاجئ والدته بـ هدية ذهب تعبيرا عن حبه وتقديره لها، ما أثار موجة واسعة من إعجاب مستخدمي السوشيال ميديا.
أول تعليق من الأم صاحبة فيديو هدية الذهب من نجلها
وقالت أسماء أحمد عبد العزيز والدة الشاب كريم في تصريحات خاصة لـ القاهرة 24: هدية ابني جميلة جدًا وهحتفظ بيها طول العمر ومش هفرط فيها أبدًا، اتفاجئت أصلا ومكنتش متوقعة خالص يجبلي هدية عشان مفيش مناسبة ربنا يكرمه يارب ويخليه، جابلي حلق طويل كان نفسي فيه وحبيته جدا ومش هبيعه لو حصل إيه.
وتابعت: مش معايا ذهب وبحب الشكل ده من الحلقان عشان كده ابني جابهولي وفاجئني بيه ولما قالي على رد فعل الناس فرحت أوي واتبسطت ربنا يرزق كل الأمهات بالخير ويقويهم على تربية أولادهم ويكرمني بولادي.
وأضافت: طول عمري بشقى على عيالي عشان أشوفهم أحسن ناس في الكون والحمد لله ربنا كرمني بيهم ورزقني من وسع، وابني ده أقرب حد ليا في أخواته ويستاهل كل الخير على اللي بيعملوا معايا يارب.
