ميرنا نور الدين عن سبب غيابها سينمائيًا: مش بمزاجي
كشفت الفنانة ميرنا نور الدين، عن سبب غيابها عن الساحة السينمائية على الرغم من نجاحها الكبير في الدراما، مؤكدة أنها ستعمل على التركيز للاتجاه إلى السينما خلال الفترة المقبلة.
وقالت ميرنا نور الدين، في تصريحات تليفزيونية: أنا مش موجودة في السينما مش بمزاجي لسه مجاليش حاجة تشدني في السينما، ولكني عايزة أركز في السينما الفترة اللي جاية.
ميرنا نور الدين
وكانت كشفت الفنانة ميرنا نور الدين، عن المواصفات التي تتمنى وجودها في زوجها المستقبلي، قائلة: مفيش ولا راجل ولا ست مثالية، ولكن بنتكلم في الحاجات اللي المفروض تبقى موجودة زي أنه بيحبني ويخاف عليا بيحترم شغلي وبيدعمني فيه، ويكون حنين وطيب، ولكن لو مفيش تفاهم مش هكمل معاه.
أما عن كشف الفنان لحياته الشخصية عبر مواقع التواصل الاجتماعي، فعلقت ميرنا نور الدين: مش المفروض الممثل يشارك حياته الشخصية على السوشيال ميديا، الناس مبتبقاش مستنية ده ولكن بتكون مستنية أعماله أكتر.
آخر أعمال ميرنا نور الدين
وعلى جانب آخر، تستعد الفنانة ميرنا نور الدين، لخوض تجربة درامية جديدة بعنوان أنا أنت.. أنت مش أنا، والتي تتعاون خلالها للمرة الأولى مع الفنان معتصم النهار، ويشارك في بطولة العمل كل من الفنان محمد رضوان، مصطفى أبو سريع، والفنانة السعودية لبنى عبد العزيز، وآخرين.
