طليقة إبراهيم سعيد: مش صح الكلام إني رافعة عليه 39 قضية هما 2 بس.. ومحدش تواصل معايا للصلح
قالت داليا بدر، طليقة إبراهيم سعيد، لاعب منتخب مصر السابق، إنها رفعت عليه قضتين فقط وليس 39 كما يدعي، متابعة: “مش صح الكلام إني رافعة عليه 39 قضية هما 2 بس.. ومحدش تواصل معايا للصلح ”.
طليقة إبراهيم سعيد: مش صح الكلام اني رافعة عليه 39 قضية هما 2 بس ومحدش تواصل معايا للصلح
وأضافت طليقة إبراهيم سعيد في تصريحات لـ القاهرة 24، أنها لم تطلب سوي حق بناتها لاستكمال تعليمهم: “دي قضية نفقة ومصاريف دراسية الموضوع بسيط دي مش حرب وكلها سنتين ومش عايزين منه حاجة”.
وأوضحت داليا بدر، طليقة ابراهيم سعيد: "محتاجه أشوف الـ39 قضية اللي بيقول عليها هو والمحامي بتاعه ويطلعوا مستند أو ورقة يثبت الكلام، ده هما قضيتين قضية نفقة وقضية مصاريف دراسية بس".
وأكملت طليقة لاعب منتخب مصر السابق: “محدش حاول يتواصل معايا عشان يحل معايا وهو وصل لآخر درجات التقاضي، والقضايا دي من 2021 ومرضيش يروح يدفع في المحكمة والعند وصله للي حصل ده”.
ومن جانبه حرص إبراهيم سعيد نجم النادي الأهلي السابق ومنتخب مصر على توجيه رسالة مؤثرة بالدموع، بسبب أزمته الأخيرة التي تعرض لها مع أسرته، وعلى إثرها تم الحكم عليه بالسجن، قبل أن يُخلى سبيله خلال الأيام الماضية.
تصريحات إبراهيم سعيد
وقال إبراهيم سعيد عبر حسابه الرسمي على منصة X: أنا في موقف صعب جدًا وابتلاء قوي، وبقول لـ عيالي مش زعلانين وانتوا واقفين تشهدوا ضدي أمام القاضي؟.
وأكمل: “أنا أبوكم ومش عارف أدعيلكوا ولا أدعي عليكوا.. ربنا يلهمني الصواب”.
وأضاف: “ياريت شيخ الأزهر ودار الإفتاء يقولولي أعمل إيه في أسرتي بعد اللي عملوه فيا، أنا كنت جزء من فرحة الناس في يوم من الأيام، والناس اللي اختلفت معايا ده كان خلاف كورة، والناس اللي بتحبني أنا مش عارف أعمل إيه في الموقف ده.”.
