منى كمال بطلة العالم في سباحة الزعانف: بعد الـ60 شعرت بحريتي وبدأت مشوار البطولات
أكدت السباحة المصرية منى كمال، بطلة العالم في سباحة الزعانف، أن عمر الستين كان بداية حقيقية لحياتها الرياضية، بعد سنوات طويلة من العمل وتربية الأبناء، قائلة: “بعد ما اتحالت على المعاش، حسيت بحرية غير عادية، وقررت أركز على صحتي وشكلي، مش علشان أكون أصغر، لكن علشان أكون بصحة كويسة”.
كمال: البداية جاءت من ممارسة الرياضة في الجيم
وأشارت كمال خلال تصريحات تليفزيونية، إلى أن البداية جاءت من ممارسة الرياضة في الجيم، ثم الانتظام في السباحة لمدة نصف ساعة يوميًا بعد التمرين، قبل أن تكتشفها إحدى عضوات فريق السباحة وتدعوها للانضمام لفريق "الماسترز" الخاص بالمنافسات فوق 25 عامًا.
وأضافت: "كنت ببلبط مش سباحة احترافية، لكن لما شافوني شجعوني إني أنضم. اكتشفت أن في بطولات رسمية داخل مصر وعالمية، وكل فئة عمرية بتنافس اللي في سنها، من 25 سنة لحد 90".
وأوضحت كمال أنها بدأت مشوار البطولات وهي في سن 62، وشاركت في أول بطولة ودية بنادي سبورتنج بالإسكندرية، مشيرة إلى أن فريق السباحة أصبح عائلتها الثانية: "الرياضة مش بس صحة، كمان مجتمع جميل بيشجعك تكملي وتحققي أهداف جديدة مهما كان عمرك".
وختمت حديثها برسالة ملهمة: "الستين مش نهاية.. دي بداية للي عايز يعيش صح".
