الهاني سليمان: كنت قريبًا من الأهلي.. والزمالك بييجي الوقت عليه بيرمي الفوطة
تحدث الهاني سليمان حارس مرمى نادي سموحة عن اتهامه بتضييع الوقت خلال المباريات، وكشف عن رأيه في محمد الشناوي حارس مرمى فريق الأهلي.
تصريحات الهاني سليمان
وقال الهاني سليمان في تصريحات تليفزيونية: فيه أوقات في المباريات بحتاج أهدّي الرتم والناس خدتها إني بضيع وقت.
وأضاف: مباريات الأهلي عشان تبقى متطمن لازم تخش أوضة اللبس، بينما الزمالك بييجي الوقت عليه بيرمي الفوطة غير الأهلي، عشان كدة مباريات الأهلي أصعب.
وأشار الهاني سليمان في تصريحاته: كنت قريبًا من الأهلي في وقت من الأوقات وهناك مرة وقعت فيها لكن محصلش نصيب ومش مكتوبالي، ولو كانت حصلت كانت حياتي الكروية اتغيرت، ولكن في نفس الوقت كنت في نادٍ كبير زي الاتحاد ولا يقل جماهيرية عن الأهلي والزمالك.
وعن محمد الشناوي، أردف في تصريحاته: هو أفضل حارس في مصر حاليًا، والجماهير كلها في الأندية الكبيرة ممكن تكون مش فاهمة إن الحارس بييجي عليه وقت يحصله -دروب- والفترات اللي هو مش كويس فيها قليلة، ممكن تكون هفوة أو اتنين على المدى البعيد.
وأتم تصريحاته قائلًا: الشناوي قدّم مباراة جيدة أمام إنتر ميامي، وكان بعيدًا عن مستواه وتركيزه في مباراة بورتو، وما يتعرض له من الجماهير وارد وطبيعي.
