مشيوا وسرهم معاهم.. والد الفتيات الثلاث يكشف تفاصيل تركهن للمنزل: قلوبنا مقهورة عليهن |خاص
تداول مستخدمو مواقع التواصل الاجتماعي منشورًا لأب يطلب من بناته الثلاث العودة إلى المنزل الذي تركنه يوم الثلاثاء الماضي، دون وجود أي خلاف بين الأب وبناته يدفعهن لذلك، مما أثار حالة تعاطف واسعة عبر منصات السوشيال ميديا.
والد الفتيات الثلاث يكشف تفاصيل تركهن للمنزل
وقال أحمد حسين والد الفتيات في تصريحات خاصة لـ القاهرة 24: بناتي سابوا البيت ومشيوا يوم الثلاثاء اللي فات ومعرفش عنهم حاجة، ومفيش أي مشكلة أو خلاف حصل بينا وصلهم لكده إطلاقا، دول أغلى ماعندي وفي حياتي، وفيه ناس قالوا إنهم شافوهم بيركبوا من الموقف عندنا في مطروح ورايحين إسكندرية.
وتابع: كل يوم بروح القسم يمكن ألاقي أي خيط يوصلني بيهم أو يعرفني مكانهم بس مش قادر أوصل لحاجة لحد دلوقتي، أنا وأمهم مقهورين عليهم ومفيش مشكلة حصلت توصلهم لكده، راحوا وسرهم معاهم معملتش ليهم أي حاجة والناس على السوشيال ميديا بتألف قصص وكلام مش صح ودلوقتي أقاربنا كلهم بيدوروا معانا في شوارع إسكندرية عشان نلاقيهم، وياريت الناس تدعيلنا عشان نوصل لأي حاجة لأن قلوبنا موجوعة عليهم، وبطلب من كل الناس تساعدني وتقف جنبي.
