بعد نشر القاهرة 24.. عودة 3 شقيقات إلى أسرتهن بعد تغيبهن لأيام في مطروح
عادت ثلاث فتيات إلى أحضان أسرتهن بمدينة الحمام بمحافظة مطروح، بعد تغيّبهن منذ يوم الثلاثاء الماضي، في واقعة أثارت قلق الأهالي وتفاعلًا واسعًا على مواقع التواصل الاجتماعي.
عودة 3 شقيقات إلى أسرتهن بعد تغيبهن لأيام في مطروح
وقال والد الفتيات في منشور عبر حسابه الشخصي إن بناته عدن إليه سالمات بفضل الله، معبّرًا عن سعادته الغامرة وشكره العميق لكل من ساهم في عودتهن، وفي مقدمتهم رجال مباحث قسم شرطة الحمام الذين واصلوا جهودهم على مدار الأيام الماضية دون توقف.
وأوضح الأب أن ما حدث كان نتيجة سوء فهم وعدم إدراك للعواقب، مؤكدًا أنه لم تكن هناك أي خلافات أسرية أو مشكلات قد تدفع بناته إلى مغادرة المنزل، لافتًا إلى أن الأسرة كانت تعيش حياة طبيعية حتى لحظة اختفائهن المفاجئ.
وفي وقت سابق، قال أحمد حسين والد الفتيات في تصريحات خاصة لـ القاهرة 24: بناتي سابوا البيت ومشيوا يوم الثلاثاء اللي فات ومعرفش عنهم حاجة، ومفيش أي مشكلة أو خلاف حصل بينا وصلهم لكده إطلاقا، دول أغلى ما عندي وفي حياتي، وفيه ناس قالوا إنهم شافوهم بيركبوا من الموقف عندنا في مطروح ورايحين إسكندرية.
وتابع: كل يوم بروح القسم يمكن ألاقي أي خيط يوصلني بيهم أو يعرفني مكانهم بس مش قادر أوصل لحاجة لحد دلوقتي، أنا وأمهم مقهورين عليهم ومفيش مشكلة حصلت توصلهم لكده، راحوا وسرهم معاهم معملتش ليهم أي حاجة والناس على السوشيال ميديا بتألف قصص وكلام مش صح ودلوقتي أقاربنا كلهم بيدوروا معانا في شوارع إسكندرية عشان نلاقيهم، وياريت الناس تدعيلنا عشان نوصل لأي حاجة لأن قلوبنا موجوعة عليهم، وبطلب من كل الناس تساعدني وتقف جنبي.
