تامر عاشور يطمئن جمهوره خلال حفل أنغام بعد خضوعه لعملية الرباط الصليبي: أنا زي الفل
حرص الفنان تامر عاشور، على طمأنة الجمهور على وضعه الصحي عقب خضوعه لعملية الرباط الصليبي خلال الفترة الماضية، وذلك خلال حفل الفنانة أنغام بمهرجان العلمين الجديدة، حيث كان مفاجأة الحفل.
وقال تامر عاشور، لحظة صعوده على مسرح حفل أنغام بمهرجان العلمين الجديدة: أهلًا أهلًا، مش عارف أقول إيه، أنا مبسوط جدًا، وأنا زي الفل والحمد لله على سلامتك أنتِ.
وكانت أعلنت الفنانة أنغام لجمهورها في حفلها بمهرجان العلمين الجديد، حضور الفنان تامر عاشور، قائلة: معايا النهاردة فنان كلكم بتحبوه أوي ومصر كلها بتحبه، وقليل لما بيكون مغني حلو أوي وبيعرف يختار ألحان حلوة، وبيعرف يغني حلو ويختار مواضيع حلوة وتنجح وسط الناس كلها، وكمان موهوب أوي كملحن، وصوته مصري أوي وطباعه مصرية أوي وشكله قريب أوي مننا.
تامر عاشور وأنغام في مهرجان العلمين
وتابعت أنغام حديثها عن تامر عاشور: لحن لي أغنية كان برئ، وأغنية يا ريتك فاهمني، وأغنية لوحة باهتة، طبعًا عرفتوا هو مين تامر عاشور موجود النهاردة، مشرفني ومنورني وهيغني معايا النهاردة.
حفل أنغام مهرجان العلمين 2025
وكانت وجهت أنغام، رسالة لجمهورها، خلال حفلها بمهرجان العلمين، والذي يعد الأول عقب خروجها من المستشفى، قائلة: أنا فرحانة ومبسوطة بشكل تاني، لأن الواحد لما بيعدي بأزمات أحيانًا شغله والناس اللي بتحبه والأيام الحلوة اللي ربنا بيبعتها بتبقى حاجة تانية، ووجودكم النهاردة حاجة تانية في حياتي، أنتوا بتدوني قوة وصحة وأمل وبتوهبولي الحياة.
