أول ظهور للشيخ أحمد إسماعيل بعد تصدره الترند بسبب شخص من ذوي الهمم: الناس بتحبه وبيعتبروا له كرامات
في أول ظهور له بعد تصدره الترند بسبب جبره خاطر شخص من ذوي الهمم خلال عزاء بالسنبلاوين، قال القارئ أحمد السيد إسماعيل، إن الموقف كان عفويا، مضيفًا: اللي حصل الشاب دخل العزاء لسماع القرآن وحاول أحد الأشخاص إبعاده فقط حتى أكمل القراءة لكن طلبت منه أن يتركه.
أول ظهور لـ الشيخ أحمد إسماعيل بعد تصدره الترند بسبب شخص من ذوي الهمم
وقال خلال تصريحات لـ القاهرة 24: أول ما بيسمع القرآن بيفرح وهو شخص بيمشي هائم على وجه، ومنير بيلف في السنبلاوين دايمًا وهذا الموقف تكرر معه منذ سنوات، لكن في هذا الموقف الآية اللي كنت بقرأها كانت معبرة عن الموقف.
وأضاف: فوجئت بانتشار الفيديو بعد العزاء لأن الموقف حصل بشكل عابر، مشيرًا إلى أن هذا الشاب يتأثر بالقرآن.
وأردف: محدش مقصر معاه وأهله بياخدوه لكنه بيمشي، فمحدش مقصر معاه، لكن من الغريب إن الموقف تكرر إمبارح مع هذا الشاب حيث وصل للعزاء وظل يتجول داخله فلما وصلت عند الآية: وَلَمْ يَكُن جَبَّارًا عَصِيًّا، هدأ وجلس بجواري.
واختتم الشيخ حديثه قائلًا: بروح عزاءات كتير لكن منير حالة خاصة، والناس هنا بتحبه جده، وبيأكلوه ويشربوه، الناس بتعبتر إنه له كرامات، وأوقات الطريق يبقى واقف فنسأل يقولوا علشان منير واقف في نص الطريق فالكل بيستنى لما يعدي.
