محمود سعد: لو قفزت من 1975 لـ2025 هفتكر أننا في الآخرة ودخلنا النار.. اللي عايشين فيه شكل من أشكال العذاب
قال الإعلامي محمود سعد، إن طريقة المعيشة الحالية شكل من أشكال العذاب في نظره، مؤكدًا أنه منبهر بالتكنولوجيا بالعصر الحالي ولكنه يستطيع التخلي عنها في سبيل عودة العلاقات الإنسانية كما كانت من قبل.
وأضاف محمود سعد، في مقطع فيديو عبر إنستجرام: لو قفزت من سنة 1975 لـ2025 هقول يا خرابي يا واقعة سودة، وهفتكر أننا رحنا في دنيا غير الدنيا، لأن اللي كنا عايشين فيه كان ليه مواصفات ومبادئ مبقتش موجودة خالص، هقول إيه ده دي الآخرة وإحنا دخلنا النار؟، لأن اللي عايشينه ده شكل من أشكال العذاب، أنا بحس أني ماشي وهبقى ظلمت الحمار لو قارنته على الأقل هو عارف طريقه وهو أذكى مننا دلوقتي.
وتابع محمود سعد: كنت هبقي منبهر بالتكنولوجيا ولكن مش عايز ده عايز الأيام ترجع الناس تبقى عارفة بعض، تغور التكنولوجيا في سبيل أننا نلاقي حياة فيها صدق وحق، إحنا في أوحش من الغابة.
محمود سعد
ومن ناحية أخرى، كان التقى جورج قرداحي بـ محمود سعد وخالد الجندي، أثناء لقاء خاص جمع الثلاثة في الأهرامات، قبل تصوير حلقتهم في برنامج كامل العدد الذي يقدمه الإعلامي محمود سعد.
ونشر جورج قرداحي الصور، عبر حسابه الشخصي بـ إنستجرام، وعلق عليها قائلا: أجمل ما في الحياة أن تلتقي بمن تحب، بالأصدقاء الحقيقيين، والأجمل أن يكون اللقاء أمام هرم خوفو، كل المحبة للصديقين العزيزين الشيخ خالد الجندي، والكبير محمود سعد.
