بعد قرارات شطب ومنع المطربين.. مصطفى كامل: لو ممنعتش اللي بيحصل أبقى لا أستحق المنصب
كشف نقيب الموسيقيين مصطفى كامل، تفاصيل مكالمة راغب علامة معه بعد قرار شطبه من النقابة، وكواليس قرارات النقابة الحاسمة خلال الساعات الماضية.
وقال مصطفى كامل خلال مداخلة هاتفية مع الإعلامي تامر أمين ببرنامج آخر النهار: رضا البحراوي ومحمود الليثي إن لم يكفا عن الشعارات التي يرددانها في أغانيهما وحفلاتهما سيتم شطبهما نهائيا من النقابة، الموسيقى والغناء إحنا أصلها مش هينفع كلام يتقال عندنا زي ابعتهاله واديهالهم.
وتابع مصطفى كامل: أنا أخدت عهد على نفسي إني أقوّم كل ما يحدث على الساحة الفنية، والمقعد ده لا يقل قيمة عن أي وزارة، ولو أنا ممنعتش ده أبقى لا أستحق المنصب.
مصطفى كامل يكشف تفاصيل مكالمة راغب علامة له
وحول الحديث الذي دار بين مصطفى كامل وراغب علامة بعد قرار منعه من الغناء، قال مصطفى كامل: قدّرت اتصال راغب وأول مرة في حياتي ألاقي حد بعد صدور قرار يخصه، بعدها بدقيقتين اتصالات مكثفة وهو صديق عمري.
واختتم مصطفى كامل: هنخاطب وزير الداخلية لإن شرطة السياحة والمنظمين لازم تحترم المسارح، إحنا مش شبه إن الستات تطلع تحضن وتبوس وطبعا ده غصب عن الفنان زي ما أقسم إنه غصب عنه.
