والدة أحمد وليد الخامس على الجمهورية: مشوفتش ضحكته غير لما النتيجة طلعت.. وتعبه ما راحش هدر
عبّرت والدة الطالب أحمد وليد، الحاصل على المركز الخامس على مستوى الجمهورية في الثانوية العامة، عن سعادتها الكبيرة بنجاح نجلها وتفوقه، مؤكدة أن ما وصل إليه كان ثمرة تعب ومثابرة طويلة لم تتوقف طوال العام الدراسي.
والدة أحمد وليد الخامس على الجمهورية: مشوفتش ضحكته غير لما النتيجة طلعت.. وتعبه ما راحش هدر
وقالت في تصريحات خاصة لـ القاهرة 24: الحمد لله، ربنا رضاه.. أحمد مكنش بيرتاح أبدًا، دايمًا كان مشدود، مشوفتش ضحكته غير لما ظهرت النتيجة، وتعبه كان كبير بجد، لكن الحمد لله مجاش على الفاضي، كنت دايمًا بدعيله وهو كان شايل هم كبير.
وأضافت: الحياة عنده كانت مذاكرة ودروس بس، مفيش أي حاجة تانية.. حتى في المناسبات كان بيرجع بسرعة للمذاكرة.
وعن لحظة معرفة النتيجة، أوضحت: خاله كان أول واحد بلغنا بالنتيجة، والفرحة كانت كبيرة جدًا، وعليا في العيلة كلها.
واختتمت حديثها بدعواتها لأحمد بمزيد من النجاح والتوفيق في مشواره الجامعي، مؤكدة فخر العائلة كلها بما حققه.
