زوجة تطلب الخلع: جوزي بيكلم مراته الأولى بالساعات.. وببقى قاعدة جنبه وكأني مش موجودة
طلبت زوجة شابة في جلسة أمام محكمة الأسرة الخلع من زوجها بعد سنة واحدة من الزواج، لأن زوجها يقضي أغلب وقته في الكلام مع زوجته الأولى، التي ما تزال على ذمته.
وقالت الزوجة: اتجوزته وهو متجوز قبلي، ووافقته لأني كنت فاكرة إنه عادل وهيتقي ربنا، لكن اللي حصل عكس كده تمامًا.
وأضافت: من أول أسبوع في الجواز وهو طول الوقت ماسك التليفون يكلم مراته الأولى، يسألها عن يومها، وياخد رأيها في كل حاجة، وأنا قاعدة جنبه كأني مش موجودة.
وتابعت: في مرة كنت تعبانة جدًا، وطلبت منه يوديني للدكتور، قال لي: مش فاضي دلوقتي، بس بعدها بشوية قعد ساعة يكلم مراته الأولى ويضحك معاها، وأنا كنت بفكر أطلب أوبر أروح بيه المستشفى.
بدوره رد الزوج قائلا: زوجتي الجديدة غيورة ومش بتفهم طبيعة علاقتي بأم أولادي، وإني مش بقصر معاها، لكنها عايزة تكون الوحيدة في حياتي، وده مش وارد دلوقتي.
وقررت المحكمة تأجيل القضية، بعد فشل الصلح بين الطرفين.
