تأكيدًا لـ القاهرة 24.. مصطفى كامل: راغب علامة بعت لي رسالة صوتية فيها كل الاعتذارات
حل نقيب المهن الموسيقية مصطفى كامل ضيفًا على الإعلامية ياسمين عز في برنامجها كلام الناس، وذلك للحديث عن أزمة راغب علامة، وتفاصيل مكالمته معه، بجانب حديثه أيضًا على تعليقات الجمهور عن الأخطاء الإملائية والتي ظهرت في بيان منع راغب من الغناء في مصر.
مصطفى كامل يكشف تفاصيل مكالمته بـ راغب علامة: قولتله إنت اللي حاطط نفسك في الإطار ده
وتحدث مصطفى كامل قائلًا: راغب قالي مش أنا اللي غلطان دي البنت.. قولتله يا راغب احنا هنتكلم كـ اتنين صحاب مصطفى وراغب.. دا شكل أنت واخده لنفسك وحاطط نفسك في الإطار ده.. قولتله بلاش تحسسني إن الموضوع بسبب البنت.. دي واحدة طالعة وواحدة نازلة وعندنا الفيديوهات كلها.. اللي بتبوس هنا وهنا.
تأكيدًا لـ القاهرة 24.. مصطفى كامل: راغب علامة باعتلي رسالة صوتية فيها كل الاعتذارات
وتابع مصطفى كامل حديثه: بعد ما اتكلمت مع راغب اتفقنا ننهي الأمر، وبعت لي رسالة فويس فيه كل الاعتذارات بسبب اللي حصل.. ولكن حد قاله متسكتش يا راغب وطلع تاني يوم بيقول أنا زعلان من النقابة.. لا النقابة صاحبة حق ولما يتكلم بعد ما اتفقنا يبقى كدا أنت مش شايفني كده يا راغب!
وأردف مصطفى كامل عن الأخطاء اللغوية في بيان إيقاف راغب علامة والتي علق عليها الجمهور على مواقع التواصل الاجتماعي قائلًا: كل دي مزايدات وناس مأجورة البوست بـ 500 جنيه.
كما مازح مصطفى كامل ياسمين عز على أزمة راغب علامة قائلًا: تسمحيلي أبوسك أو أحضنك في مكان شغلك؟ لترد عليه ياسمين عز: لا طبعًا ليرد عليها مصطفى كامل: كل مكان له شغل وله قدسيته.
