ياسين مرعي: شرف كبير أن تطالب بي جماهير الأهلي.. وأنا الإنجاز الأكبر لوالدي
تحدث ياسين مرعي مدافع الفريق الأول لكرة القدم بالنادي الأهلي، المنضم حديثًا من صفوف فاركو، عن كواليس انضمامه إلى الأحمر، وطموحه مع القلعة الحمراء خلال الفترة المقبلة.
ياسين مرعي: شرف كبير أن تطالب بي جماهير الأهلي.. وأنا الإنجاز الأكبر لوالدي
وقال ياسين مرعي لاعب النادي الأهلي، في تصريحات تليفزيونية: شرف كبير ليا أن كل الجماهير دي تطالب بيا وده كان حلم من أحلامي، كل ده نتيجة شقي وتعب سنين فاتت كتير من عمري في الكورة.
وأضاف: أنا أكبر إنجاز لوالدي في حياته من بين كل صفقاته اللي فاتت واللي جايه، هو كل آماله في الدنيا إنه يشوفني أنا وإخواتي واصلين لأحسن مكان في العالم وسط كل شغله وصفقاته.
وأردف: أكيد مش أنا اللي هقوله، هو النادي الأهلي وشايفه إزاي، الأهلي زي العادي أكبر نادي في إفريقيا والوطن العربي والشرق الاوسط، كل مكان في النادي الأهلي فيه 3 لعيبه على الأقل، كلهم لعيبه دوليه تقدر تشيل الفرقه، مفيش أساسي وبديل في النادي الأهلي.
واختتم: انتقالي للأهلي بدأ بشكل سريع وبقوة وبعد كده الموضوع بقى أهدى بسبب كأس العالم للأندية، بس الحمد لله ربنا أكرمني وجيت في الوقت المناسب ليا، دلوقتي فيه شغل بيتعمل كتير مع الفرقة، وكويس إني بدأت مع الفرقة مع بداية الماتشات الودية.
