تامر حسني في رسالة غامضة: فنان كبير يتعمد التقليل من ألبومي رغم تصدري التريند
أثار الفنان تامر حسني، الجدل بسبب رسالة غامضة كتبها عبر حسابه بموقع إنستجرام، استنكر فيها فعل أحد الفنانين الكبار على حد قوله، ادعى أن ألبومه الجديد تصدر الترتيب الرابع بالتريند منذ طرحه، وهو الأمر الذي أثار استياءه خاصة وأن الألبوم تصدر التريند منذ طرحه.
تامر حسني في رسالة غامضة: فنان كبير بيتعمد التقليل من ألبومي رغم تصدري التريند
وكتب تامر حسني، عبر حسابه بموقع إنستجرام: مش غريبة شوية لما الفنان الكبير اللي بحبه وبقدره، ينزل صورتي عنده في الستوري بكذا طريقة أن أنا رقم 4!!؟ وهو عارف إن ألبومي مش 4، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله، وبرضو ناس جمعتلي النتائج دي بس منزلتهاش عموما، هو ترتيب وبيتغير كل شوية، لينا ولزملائنا المطربين لما بينجحوا.
وأردف تامر حسني: الفكرة إن ألبوم لينا معاد أنا تعبت فيه، والناس بتتكلم عنه بكل خير وده الأهم، فمش محتاج أعمل كده، أنا لما كنت تقريبا 10 أيام رقم 1 في أسبوع نزول ألبوم لينا معاد، زي ما انتوا شايفين أهوه في الفيديو اللي اضطريت أنزله أغانيا في التريند أعلى وهو كان تحت.. احترامًا ليه والمحبينه منزلتش صورته وهي تحت، ولا نزلت أي خبر يقول إن ألبومي متصدر عليه.
وواصل تامر حسني: كنت بحتفل مع جمهوري دون المساس بصورة أو اسم أي فنان، احتراما المجهوده.. بس مش عارف ليه هو يعمل كده، لأنه أكبر من كده ومش محتاج يعمل کده!! وعموما، ألف مبروك.
